Një lojë open-world e Star Wars është në zhvillim nga Ubisoft

Lucasfilm Games shkuan në Twitter për të ndarë që Ubisoft Massive do të marrë detyra zhvillimi, por ende nuk dihet shumë për këtë lojë të ardhshme Star Wars. Thënë kjo, një intervistë në StarWars.com zbulon se drejtori i The Division 2, Julian Gerighty do të jetë në krye të projektit si drejtor kreativ dhe se loja e ardhshme do të përdorë engine-in e lojës Snowdrop të Ubisoft Massive.

“Ne jemi vërtet të lumtur për një mundësi për të punuar me ekipin në Massive, të udhëhequr nga David Polfeldt dhe drejtori kreativ, Julian Gerighty. Ne kemi kaluar gati një vit tani duke punuar për t’i njohur ata dhe çfarë duan të sjellin në tryezë”, thotë Zëvendës-presidenti i Lucasfilm Games, Douglas Reilly. “Unë jam një fans i madh i tyre, personalisht. Unë mendoj se ne jemi vërtet të ngazëllyer se ku po shkon ky projekt, sepse ata kanë një vizion unik për historinë dhe lojën që duan të japin”.

“Në galaktikën e Star Wars dhe më gjerë, ne punojmë me ekipet më të mira në industri për të krijuar lojëra të klasit botëror që tejkalojnë kufijtë e mediumit”, tha Sean Shoptaw, SVP, Disney Games dhe Interactive Experiences. “Lucasfilm Games dhe Massive Entertainment së bashku mund të krijojnë diçka vërtet unike për adhuruesit tanë në të gjithë globin.”

Si Creative Director për lojën, Julian Gerighty i Massive thotë, “Kjo është një histori që ne e duam dhe ne duam ta bëjmë mirë atë me një lojë dhe histori që sjelë fansa të vjetër dhe të rinj në një udhëtim gjithëpërfshirës dhe të jashtëzakonshëm që do të qëndrojë për vite me rradhë.”

Një pyetje që njoftimi ngre është nëse kjo lojë e re sinjalizon fundin e marrëveshjes së ekskluzivitetit që EA më parë duhej të hartonte për lojëra të Star Wars, të cilat kompania dhe Disney njoftuan përsëri në vitin 2013.

Për këtë, Riley shpjegon se të dy do të vazhdojnë të punojnë së bashku, por nuk shpjegohet më shumë. “Ne do të vazhdojmë të punojmë me ta dhe marrëdhënia jonë nuk ka qenë kurrë më e fortë”, thotë ai. “Ndërsa mund të mos kemi shumë detaje për të ndarë për momentin, ne kemi një numër projektesh në zhvillim me ekipet e talentuara në EA.”