Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Më pak se një orë pas eventit të Apple, Spotify publikoi një deklaratë ku tregonte zhgënjimin dhe mungesën e besimin ndaj Apple, duke diskutuar sërish praktikat antikompetitive të kompanisë. Ky është mesazhi i plotë nga Spotify:
“Edhe një herë, Apple është duke përdorur pozicionin e saj dominues dhe të padrejtë për të vënë në disavantazh konkurencën dhe për të privuar konsumatorët, duke favorizuar shërbimet e saj. Ju bëjmë thirrje autoriteteve për të vepruar urgjentisht që të kufizojnë sjellien anti-kompetitive të Apple, që nëse lihet e pakontrolluar, do të shkaktojë dëme të pandreqshme në komunitetin e zhvilluesve dhe do të kërcënojë lirinë tonë kolektive për të dëgjuar, mësuar, krijuar dhe ndërlidhur.”
Spotify nuk e specifikoi se cila pjesë e eventit të Apple e bëri të reagonte në të tillë mënyrë, por kemi një kandidat në mendje. Apple One bundle që shet Apple Arcade, TV+, akses në iCloud dhe me shumë mundësi edhe muzikë për $15 në muaj. Ky është një kërcënim i mundshëm për Spotify.
Për më shumë se një vit, Spotify ka bërë thirrje për fuqinë e pakontrolluar të Apple në App Store dhe në mars të 2019s bëri ankesë për Apple ndaj Komisionit Europian. Spotify thotë se 30% që kërkon Apple nuk është i justifikueshëm dhe thotë se kompania operon si monopol në iOS.
