Sipas një raporti mjekësor, lojtarët e esports rrezikohen nga problemet me mesin dhe qafën

Kërkimet e reja të mbajtura nga New York Institute of Technology College of Osteopathic Medicine tregojnë disa nga problemet e mundshme mjekësore që lojtarët e esports mund të përballen, përfshirë këtu dhimbjet e shpinës dhe të syve.

Në një raport të publikuar nga American Osteopathic Association këtë muaj, ekspertët bënë kërkime se si të qënurit një gamer profesional ndikon trupin e njeriut. Ata studiuan impaktet që të qëndruarit ulur për një kohë të gjatë dhe të ekspozuarit nga dritat e forta të ekranit mund të kenë në shëndetin e një gameri.

Raportimi ka arritur në konkluzionin se lojtarët e esports mund të kenë probleme me zonën cervikale dhe lumbare të shtyllës kurrizore. Njëkohësisht dite dhe zakonet e tyre të aktivitetit fizik mendohet ti theksojnë edhe më shumë këto probleme. Sytë e lojtarëve pro pastaj mund të lodhen nga ekspozimi i vazhdueshëm përpara ekraneve LED, të cilët gjithashtu ndikojnë edhe në regjimin e trupit përsa i përket orareve të gjumit.

Ky kërkim zbuloi se 35% e pjesëmarrësve vuanin nga dhimbja e qafës ose e shpinës. Një tjetër 30% gjithashtu përjetonte dhimbje nëdorën ose kyçin e tyre dhe mbi gjysma e tyre kishin lodhje sysh. 

Sidoqoftë, nuk është vetëm shëndeti fizik ai që është i rrezikuar. Raportimi sugjeron se edhe shëndeti mendor është i prekur me shfaqjen e rasteve si: IGO(varësi ndaj gaming), depresion dhe ankth.

“Duke qenë se esports kryhet teksa rri ulur, njerëzit mendojnë se është literalisht e pamundur të dëmtohesh,” thotë Dr Hallie Zwibe. “E vërteta është se ata vuajnë probleme kyçe shëndetësore, që devijojnë nga problemet tipike të atletëve.”

“Realisht tani po kuptojmë se sa kërkuese mund të jetë fusha e esports fizikisht dhe mendërisht.”