Sfida 1 milion dollarëshe e WWE 2K19 ishte qesharake dhe mbresëlënëse

Ky ishte eventi më argëtues për fansat e wrestling përpara Wrestlemania

Pak përpara nisjes së NXT Takeover: New York, 2K Games zhvilloi kampionatin Million Dollar Championship në WWE 2K19, me gjysmëfinalet që u zhvilluan në WWE Axxess dhe finalen gjatë shfaqjes që u zhvillua përpara nisjes së Takeover gjatë javës së Wrestlemania. Prisnim të ishte një kampionat standart dhe normal, por në fakt ajo çfarë morrëm ishte eventi më argëtues jo-PPV i gjithë javës.

Në Axxess, gjysmëfinalistët Gregory Davis nga Jacksonville, Florida, Stephan T. Benson nga Philadelphia, Pennsylvania, David Hoey nga Sydney, Australi dhe Roman Droßard nga Pfalzfeld, Gjermani u bënë së bashku në ekip me yjet e WWE si trajnerët e tyre, për t’u ndeshur me njëri-tjetrin për një mundësi për t’u përballur me AJ Styles gjatë NXT Takeover për një milion dollarë.

Gjysmëfinalet ishin vërtet mbresëlënëse, ku yjet e WWE Kofi Kingston, Big E, Xavier Woods, The Miz, Ember Moon, Corey Graves dhe Paige u bënë pjesë e lojës. Droßard dhe Davis u eleminuan në raundin e parë dhe gjithçka do të ndahej midis Benson që përdori Brock Lesnar dhe Hoey që përdori Braun Strowman.

Hoey pati përballjen më të vështirë nga të gjithë, duke parë vështirësinë e vetë sfidës, për të cilën ju deshën 3 javë, por edhe fluturimin dhe jet lag me të cilin iu desh të përballej. Ndërkohë Benson u tregua vërtet karizmatik, duke u veshur tërësisht me rroba të arta dhe duke e quajtur veten “Zëri i Artë i Argëtimit Sportiv“. “Duhet të jesh i artë për të mundur të artët” thotë ai, duke parë se në finale duhej të ndeshej kundër një AJ Styles të artë.

Edhe pse ndeshja përpara finales së madhe në vetvete nuk ishte më argëtuesja, ajo u bë e tillë nga yjet e WWE. Benson arriti të fitojë dhe pati mundësinë e artë të ndeshej me AJ Styles në finale, ndeshje e cila ishte mjaft e lehtë për të dhe e bëri Benson të fitonte çekun prej 1 milion dollarësh, ndërsa Styles fluturoi levën e tij drejt ringut.