Regjizorët e Avengers po bëjnë një adaptim në Netflix të Magic: The Gathering

Thjesht mendoni pak sa fantastike do të isht sikur një adaptim i Magic: The Gathering të ishte në duart e regjizorëve të filmave të Avengers. Në një konferencë për shtyp u njoftua se Russo Brothers do të punojnë me Hasbro në një serial të animuar në Netflix të bazuar në lojën e famshme.

Është hera e parë që loja do të vijë në ekran në formën e një seriali. Po hamendësojmë që 38 milion fansat e saj janë shumë të lumtur. Joe dhe Anthony Russo do të jenë producentët ekzekutive së bashku me Henry Gilroy dhe Jose Molina si dy shkrimtarët kryesorë.

Sipas lajmit, deritë do të sjellin një histori të re të bazuar në ngjarjet e Planeswalkers’. Animimet do të bëhen nga Bardel Entertainment, që ka punuar për DreamWorkd, Warner Bros , Nickelodeon etj.

Nuk ka ende informacion se kur do të fillojë realizimi i serialit ose se kur do të publikohet, por le të shpresojmë që pritja nuk do të jetë e gjatë.