Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pas mos reflektimit të kompanisë ndaj politikave të saj, punonjësit e Riot kanë vendosur ti marrin gjërat vetë në dorë.
Punonjësit e Riot Games janë shumë të pakënaqur me kompaninë e tyre. Pasi kjo e fundit iu bllokoi punonjësve të drejtën për të ngritur padi kundra saj, ata vendosën që të dalin në protestë.
Është raportuar se Riot Games ka tentuar ti ndalojë punonjësit që donin të ngrinin padi kundra kompanisë. Mendohet se pesë punonjës do ta padisnin për diskriminim gjinor dhe dy nga këta punonjës janë detyruar ti nënshtrohen arbitrazhit.
Tani ata kanë vendosur që me datë 6 maj të ngrihen në protestë. Angela Roseboro, shefe e diversitetit në Riot i ka kontaktuar punonjësit dhe në emër të kompanisë ka thënë se “Riot e kupton që punonjësit e saj ndjehen sikur nuk po dëgjohen” dhe se “kompania do të nisë një dialog të hënën ku të dyja palët të mund të ulen dhe të bisedojnë rreth shqetësimeve të tyre.”
“Jam e vetëdijshme se artikulli rreth Riot që detyron arbitrazhin në punonjësit e tij nuk është një hap i mirë. Për mua tregon se kemi ende punë për të bërë. Ka aspekte pozitive dhe negative rreth arbitrazhit që mund të bëhen shumë komplekse po nuk u trajtuan në mënyrën e duhur. Ndaj do të ishte më mirë ti diskutonim këto gjëra live, duke patur një bisedë reale.”
Vendimi i protestës vjen pas shumë raportimeve mbi një kulturë toksike pune te Riot. Këto kanë nisur që në gusht të 2018s ku punonjës dhe ish punonjës së bashku u shpreshën rreth diskriminimit gjinor dhe sjellieve të tjera të papërshtatshme që gjendeshin prezente në kompani. Që nga ajo pikë disa punëtorë janë pushuar sepse i kanë diskutuar tematikat në Twitter dhe kompania është paditur disa herë.
Protesta është një fenomen që ne këtu në paktën jemi rrahur goxha shpesh. Ka të mirat e saj, por dhe të këqiat po nuk u trajtua në mënyrën e duhur. Gjithsesi realisht situata te Riot nuk duket aspak mirë dhe ne shpresojmë që punonjësit të gjejnë një zgjidhje ideale sa më shpejt të jetë e mundur.
