Përgatituni për lojën The Surge me trailerin e ri të lançimit

The Surge nga Deck 13 Interactive del në 16 Maj për PS4, Xbox One dhe PC dhe traileri i lançimit të saj është këtu për t’ju përgatitur.

Loja e ardhshme e stilit action-RPG The Surge të zhvilluesit Deck 13 del në 16 Maj. Për ta bërë pritjen më të durueshme, Deck 13 ka nxjerrë një trailer lançimi duke shfaqur karakterin kryesor të lojës, Warren. Në këtë trailer mund të shikoni se si ai lufton përmes robotëve. Megjithëse nuk shfaqet gameplay i ri, pritja mbaron së shpeti.

The Surge është një lojë action-RPG me luftim në mënyrë unike. Ngjarët ndodhin në një botë ku teknologjia është shumë më e avancuar se e sotshmja. Lojtarët duhet të përshkojnë një botë të shkatërruar si pasojë e teknologjisë së avancuar. Plaçkitja është pjesa më e veçantë e The Surge, pasi lojtarët mund të godasin pjesë specifike të armiqve të tyre. Në varësi të mënyrës që luftoni, plaçka që merrni pas çdo luftimi varet nga teknika dhe mënyra se si luani. Plaçka përdoret më pas për të përmirësuar eksoskeletin që lojtarët veshin gjatë betejës.

The Surge del për PlayStation 4, Xbox One dhe PC në 16 Maj.