Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Duket se loja është në një formë më të mirë se kurrë
Duket se loja FPS multiplayer e Valve Counter-Strike: Global Offensive ka arritur të tërheqë shumë lojtarë gjatë muajit të kaluar. Sipas Steam Charts, duket se dje loja ka arritur një rekord për sa i përket numrit mesatar të lojtarëve në lojë në 30 ditët e fundit, duke arritur shifrën më të lartë që prej lançimit të saj.
Steam Charts, një faqe e cila mat numrin e lojtarëve që luajnë një lojë njëherësh në platformë, jep numrat mesatarë të lojtarëve të CS:GO që prej verës së 2012 kur loja u lançua. Përdoruesi i Reddit UsernameRelevant postoi një screenshot të faqes së CS:GO në Steam Charts, ku mund të shihet qarë se loja ka arritur numrin mesatar të lojtarëve më të lartë ndonjëherë.
Ky numër, 402,524.0 në 30 ditët e fundit, ka arritur t’ja kalojë çdo muaji tjetër që ka kapur shifrën e 400,000 lojtarëve. Janari i këtij viti kishte 401,366.9 ndërsa shkurti i 2017 kishte 402,385.7, shifra më e afërt në krahasim me atë të tanishmen.
Megjithatë, shifra tashmë ka lëvizur në 402,312.9 momentalisht, që ndodhet vetëm pak fare posht rekordit të muajit shkurt. Normalisht, shifrat në Steam Charts janë vazhdimisht në ndryshim, por ky numër ende tregon që loja ka arritur të marrë më shumë lojtarë mesatarisht se në muajt shkurt-korrik të 2019, të cilët ishin të gjithë me më pak se 400,000 lojtarë mesatarisht.
Steam Charts tregon se numri mesatar i lojtarëve këtë vit ka qënë mjaft i lartë dhe edhe pse kjo gjë nuk është konfirmuar ende, ka mundësi të ketë lidhje me faktin që loja u bë falas në dhjetor gjë që solli dhe një rritje shumë të madhe të lojtarëve asokohe, pas update-it Danger Zone, që shtoi një mode battle royale në lojë.
