Një thashethem sugjeron se CoD 2020 do të sjellë një hartë të re për Warzone

Një video e një YouTuber-i që pretendon të ketë informacion për lojën Call of Duty të 2020s thotë se loja do të sjellë një hartë të re edhe për Warzone.

Videoja në fjalë vjen nga kanali TheXclusiveAce, që thotë një burim me njohuri mbi zhvillimin e hershëm të CoD 2020 kishte disa informacione për lojën e ardhshme. Fatkeqësisht përdoruesi e hoqi më vonë videon nga kanali i tij.

Ndër informacionet që ishin në të kishte prova të mëtejshme se loja ishte e vendosur gjatë Luftës së Ftohtë. Leaks të mëparshëm sugjeronin se loja quhet Call of Duty: Black Ops dhe se do të jetë një reboot, pak a shumë si Modern Warfare në 2019.

TheXclusiveAce gjithashtu tha se Warzone do të vazhdojë me CoD 2020 dhe se një hartë e re do të përfshihet që do të vendoset në Rusi. Videoja edhe referonte disa detaje interesante të gameplay-it. Mendohet se CoD 2020 do të sjellë sërish unlimited sprint, sliding, swimming, scorestreaks etj.

Më e rëndësishmja, leakeri thotë se nuk do të ketë Specialist në multiplayer. Treyarch ka shtuar personazhe Specialist me aftësitë e tyre unike në multiplayer në Black Ops 3 dhe Black Ops 4.

Si me çdo thashethem dhe leak, këto informacione janë të pakonfirmuara. Call of Duty 2020 pritet të lançohet gjatë sezonit të vjeshtës ose të dimrit të këtij viti.