Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Hapni sytë Nvidia dhe AMD…
Prodhuesi kinez i GPU-ve, Changsha Jingjia Microelectronics, thuhet se është në fazën kërkimore për krijimin e një karte grafike të ngjashme me Nvidia GTX 1080. Duhet patur parasysh se kompania është ende shumë larg prodhimit dhe sjelljes së GPU-së së saj në gaming cafe-t e Kinës, por duke parë progresin e shpejtë të Jingjia Micro, mbase kompania nuk është dhe aq larg.
Në këtë moment, Jingjia Micro po merr porosi për GPU-të e saj Jingmei JM7200, ndërkohë që modeli i 2014 Jingmei JM5400 konsiderohet mjaftueshëm i fortë dhe i përshtatshëm për t’u përdorur në ekranet e avionave luftarakë. Në këtë moment, JM7200 duket se ka të njëjtën performancë me një Nvidia GT 640, por përdor shumë më pak fuqi. GPU-ja e Nvidia përdor rreth 50W, ndërsa JM7200 vetëm 10W.
Që në këtë moment, performanca e GPU-së duket shumë e mirë në krahasim me 2 peshqit e mëdhenj të tregut dhe nëse vazhdon me këtë ritëm, Jingjia Micro mund të arrijë të mbulojë nevojat e tregut vendas në vetëm pak vite.
Padyshim që kjo kërkon që Jingjia Micro të avancojë shumë për të sjellë një GPU me performancë aq të lartë sa një prej 2 prodhuesëve më të mëdhenj të GPU-ve në botë. Duke parë fokusin e Kinës për rritjen e prodhimit vendas, kjo nuk duket e pamundur, pasi chip-i i ardhshëm Jingmei JM9 nga kjo kompani duket se do të ketë të njëjtën performancë me një GPU shumë të mirë që është vetëm 2 vite e vjetër.
“Kërkimet dhe zhvillimi i chip-it të gjeneratës së ardhshme kanë filluar nga kompania dhe ai duket se është në fazën e zhvillimit inxhinierik. Design-i për përdoruesit dhe design-i i software janë gjithashtu në punime e sipër.” – raportohet nga burime të ndryshme.
Duket se seria JM9 është shumë më ndryshe dhe më e fortë se seria JM7, duke përdorur teknologji të avancuar si HBM dhe PCIe 4.0, si dhe po përdor një arkitekturë më të avancuar dhe më të unifikuar për shaders me “module llogaritëse të programueshme“, duke ndjekur modelet e ngjashme që përdoren nga GPU-të në vënde të tjera të botës.
Megjithatë, GPU-ja më e fortë e lançuar nga Jingjia Micro duket se nuk do të jetë aq eficiente për nga ana e energjisë sa paraardhëset e saj, duke parë se kompania raporton rreth 200W TDP për JM9271, në krahasim me 180W që përdor një GTX 1080. Megjithatë, duhet patur parasysh se ky chip kinez po përdor arkitekturë 28nm dhe jo 16nm si Nvidia.
Duke parë se 2020 është tashmë shumë afër dhe duke parë tentativat e Intel për të hyrë të tregun e GPU, duket se tregu do të zgjerohet akoma dhe më shumë vetëm pak vite më vonë, edhe nëse kjo gjë ndodh vetëm brenda Kinës ose Azisë.
