Një politikan nga Pakistani përgëzon një pilot, pa e kuptuar që ishte nga një klip i GTA 5

Javën që lamë pas, sekretari gjeneral i partisë Pakistan Awami Tehreek, postoi një video të një piloti që shmangte një kamion benzine të parkuar në pistën e aviacionit, duke e quajtur një “mrekulli” nga ana e tij. Normalisht ky do të ishte një postim normal që nuk do të shkaktonte shumë gumëzhima në internet, po të ishte një video normale dhe jo një klip i GTA.

Khurram Nawaz Gandapur ishte i pavetëdijshëm që kishte postuar një video loje, por sigurisht që interneti këto kohë nuk të fal. Poshtë postimit të tij ai kishte shkruajtur:

“Një super shpëtim i një automjeti ajror që mund të kishte përfunduar në katastrofë. Një mrekulli e ardhur nga qetësia mendore e pilotit.”

Për fatin tonë të keq, që nga pika e postimit, tweet-i është fshirë, por më poshtë mund të gjeni videon që ai kishte postuar. Jo për të qenë e keqe, por është totalisht e dallueshme që klipi nuk është i vërtetë, por i prodhuar në kompjuter. Gjithsesi të paktën një situatë komike doli nga ky rast.