Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Momentalisht thjesht nuk ka asnjë vaksinë për coronavirus, që tashmë është përhapur në mbi 50 vende në pak muaj. Gjithsesi një grup shkencëtarësh po shpresojnë se një videolojë mund të ndihmojë. E quajtur Foldit, loja është zhvilluar nga një grup shkencëtarësh në University of Washington dhe i kërkon lojtarëve që të zgjidhin pazlla të ndërlikuara të zinxhireve proteinikë, duke krijuar struktura të reja që kanë funksione të ndryshme.
Kur u lançua për herë të parë në 2008, skuadra e Foldit po shpresonte që programi mund të ndihmonte në kurimin e HIV/AIDs ose Alzhaimerit, meqë të dyja sëmundjet janë të përbëra kryesisht nga proteinat. Gjithsesi jo më larg se dje, zhvilluesit shtuan një pazëll të ri me stukturën celuloze të cornavirus, me shpresë se lojtarët mund të jenë çelësi i zhvillimit të një kure.
Mënyra se si Foldit funksionon është e ndërlikuar, por është dizenjuar në një mënyrë që të gjithë mund ta luajnë. Ideja është që lojtarët marrin zinxhire proteinike dhe i manipulojnë ato në forma të ndryshme, që më tej ndryshon mënyrën se si funksionon ajo proteinë. Në bazë të efektivitetit të zgjidhjes suaj jepet një vlerësim me pikë, me një tabelë pikësh që ndjek zgjidhjet më të mira. Komuniteti i Foldit ka rreth 200,000 lojtarë që jo vetëm konkurojnë me njëri-tjetrin, por gjithashtu bashkëpunojnë për të gjetur dizajnet më efektive që shkencëtarët mëtej mund ti japin studim më të tërthortë.
Në një video për lojën, një nga zhvilluesit e Foldit shpjegon se kjo pazëll e re vjen me dy nivele vështirësie. Ai i lehti i kërkon lojtarëve të palosin një proteinë tashmë ekzistuese, në mënyrë që të mund të krijojnë një formë të re që do të bllokojë koronavirus. Ajo sfiduesja pastaj, ju kërkon lojtarëve të ndërtojnë një proteinë vetë.
Pjesa interesante në këtë mes është se University of Washington ka konfirmuar se dizajnet më premtuese do të testohen për të parë nëse punojnë në jetën reale. Nëse doni ti jepni një shans lojës, ajo është falas dhe mund të shkarkohet në këtë link.
