Ky cosplayer ikonik i World of Warcraft ka ndërruar jetë

Cosplay është një aktivitet shumë i preferuar dhe i vlerësuar në botën e gaming dhe komunitetit të fansave. Praktikisht ideja është të vishesh si një personazh nga lojëra ose seriale që ata mund të pëlqejnë. Cosplay ka potencialin të afrojë bashkë shumë njerëz të interesave të ngjashëm, siç ka qenë edhe rasti i Jarod Nandin, një cosplayer i World of Warcraft.

Sado që shumë cosplayers të World of Warcraft kanë bërë një emër për veten e tyre me kostume të jashtëzakonshme, Nandin ka arritur të magjepsë të tërë internetin me krijimtarinë e tij. Kjo ka qenë edhe arsyeja pse shumë komunitete janë shokuar që ai ka ndërruar jetë.

Jarod Nandin, i njohur më së miri për sjelljen në jetë të South Park Guy nga episodi i “Make Love Not Warcraft” në South Park, ka ndërruar jetë nga COVID-19. Nandin njoftoi se u infektua në 18 dhjetor, por kishte qenë mjaft optimist për situatën, deri në datë 28 dhjetor, kur pati postimin e tij të fundit në media sociale. Sado që data fikse e ndarjes së tij nga jeta nuk u mësua, komuniteti i WoW e mori lajmin pak pas datës 3 janar.

Sado që cosplay-t e tij i sollën shumë famë, Nandin njihej edhe për gjëra të tjera në komunitete të caktuara. Miqtë dhe fansat e tij shprehën ngushëllimet e tyre në media sociale, duke ndarë kështu edhe kujtimet e tyre të preferuara që kishin me të. Nandin ishte një gamer i mirë, një mik i mirë dhe sipas një personi, ai e kishte ndihmuar atë që të kapërcente një lidhje abuzive, që kishte patur në të shkuarën.

Komuniteti i World of Warcraft dhe i cosplay kanë humbur një legjendë. Të paktën e dimë se ai do të mbahet mend dhe do të kujtohet nga shumë njerëz për vitet në vijim.