Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
James Michael Tyler, aktori më i njohur për rolin e Gunther në të dhjetë sezonet e Friends, ka ndërruar jetë në moshën 59-vjeçare. Tyler po luftonte me kancerin e prostatës në fazën 4 dhe vdiq të dielën në mëngjes në shtëpinë e tij në Los Angeles. Familja e aktorit ka dhënë një deklaratë për ndarjen nga jeta të tij.
“Bota e njihte atë si Gunther, nga seriali “Friends”, por të dashurit e Michael e njihnin atë si një aktor, muzikant, dhe bashkëshort i dashur.” Ata shtuan, “Michael pëlqente muzikën live, brohoriste për Clemson Tigers të tij dhe shpesh gjendte argëtim në aventura të paplanifikuara. Nëse e takonit një herë, keni bërë një mik për jetën.”
Në fillim të këtij viti, Tyler zbuloi diagnozën e tij të kancerit pasi bëri një paraqitje të shkurtër në Zoom në specialen e HBO Max Friends: The Reunion. Tyler ndau me TODAY se ai vendosi të shfaqej virtualisht mbi Zoom gjatë ribashkimit. “Doja të isha pjesë e kësaj, dhe fillimisht do të isha në skenë, të paktën, me ta dhe do të mund të merrja pjesë në të gjitha festat”, shpjegoi Tyler. “Ishte e hidhur, sinqerisht. Unë isha shumë i lumtur që u përfshiva. Ishte vendimi im që të mos isha pjesë e kësaj fizikisht dhe të paraqitesha në Zoom, sepse nuk doja të sillja një mërzitje mbi situatën. Nuk doja të thosha, ‘Oh, dhe meqë ra fjala, Gunther ka kancer’”.
Përveç luajtjes së Gunther në 150 episode të Friends, Tyler u shfaq gjithashtu në episodet e Just Shoot Me!, Sabrina the Teenage Witch, Scrubs dhe më shumë. Në vitin 2012, aktori bëri një paraqitje gazmore si vetja e tij në një episod të serialit të Matt LeBlanc, Episodes. Paraqitjet e fundit të Tyler në ekran si aktor ishin në disa filma të shkurtër të vitit 2020.
