Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Para pak ditësh, Samsung zbuloi serinë e re të Samsung Galaxy të cilët përfshinin goxha veçori të reja dhe interesante. Por mesa duket e gjithë kjo është “rrëzuar” nga iPhone 13 ku sipas disa testeve të kryera së fundmi, iPhone 13 është më i fuqishëm se Samsung Galaxy S22.
iPhone 13 i lançuar në shtator të vitit 2021 është i fuqizuar nga çipi A15 Bionic i kompanisë Apple kurse për sa i përket Galaxy S22 Ultra, ky smartphone përdor çipin e fundit të Qualcomm, Snapdragon 8 Gen 1.
Të dyja këto çipe janë goxha të fuqishme dhe sjellin një performancë goxha të mirë tek secili smartphone. Por mesa duket disa testime dhe benchmark të kryer së fundmi tregojnë se smartphone i Apple, iPhone 13 është më i fuqishëm se Samsung Galaxy S22.
![iphone-13-samsung-s22 samsung galaxy s22 ultra, apple iphone 13 pro max, benchmark,](https://gameon.al/wp-content/uploads/2022/02/iphone-13-samsung-s22.png)
Në testet e kryera nga PCMag duke përdorur Geekbench 5 i cili përdoret për të testuar performancën e pajisjeve mobile, është zbuluar se Samsung Galaxy S22 Ultra me çipin Snapdragon 8 Gen 1 ka arritur një rezultat prej 3,433. Por kjo nuk ka mjaftuar për të mundur iPhone 13 Pro Max me çipin A15 Bionic i cili ka arritur një rezultat prej 4,647.
Nëse krahasojmë këto dy rezultate mund të themi që iPhone 13 Pro Max i Apple është 35% më i fuqishëm se Samsung Galaxy S22 Ultra. Por deri më tani këto janë thjesht rezultate të bazuara në një aplikacion të vetëm dhe duhet të presim për lançimin e plotë të Samsung Galaxy S22 për të parë performancën e plotë të këtij smartphone.