Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Instagram ka njoftuar se një veçori e re e quajtur “Live Rooms” do t’iu lejojë përdoruesëve të transmetojnë drejtpërdrejt ose ndryshe të bëjnë Live me më shumë se tre persona për të krijuar content-in e tyre.
Më parë Instagram lejonte vetëm dy persona të bënin live me njëri-tjetrin në të njëjtën kohë por kjo gjë do të ndryshojë me “Live Rooms” duke bërë të mundur më shumë Q&As, tutoriale dhe intervista me disa persona njëkohësisht.
Me pak fjalë kjo veçori e re do ta bëjë më të lehtë punën për influencers madje edhe për përdoruesit e thjeshtë që të bashkëpunojnë dhe të krijojnë më thjeshtë content-in e tyre. Më e bukura e kësaj veçorie të re është se çdokush mund ta provojë eksperiencën e Live Rooms vetëm me një të shtypur butoni.
Si funksionon Live Rooms?
Në mënyrë që të nisni një Live Room si fillim duhet të bëni swipe majtas dhe të zgjidhni opsionin Live camera, më pas vendosni një titull dhe në fund klikoni në ikonën e Rooms dhe filloni të shtoni miqtë tuaj. Këtu ju mund të shihni këdo që ka kërkuar të bëhet pjesë e Live-it tuaj por gjithashtu do të keni mundësinë të shtoni miqtë tuaj manualisht.
Sidoqoftë nëse ndonjë nga pjesëmarrësit e Live Room është bërë bllok nga një përdorues ai nuk do të mundet të bashkohet me ju, gjë që është e pranueshme për arsye sigurie.
Kur do të mund ta përdorni Live Rooms?
Live Rooms për momentin po bëhet gati për të gjithë përdoruesit global të Instagram qofshin ata përdorues iOS ose Android kështu që së shpejti mund të themi që çdokush do të ketë akses në këtë veçori të re. Megjithatë sipas burimeve të ndryshme pritet që Live Rooms të mbërrijë në datën 8 mars.
