Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Do të ofrojë konsulta për të rinjtë online ose fizikisht.
NHS do të hapë një klinikë për të trajtuar njerëzit nga mosha 13 deri në 25 vjeç mbi varësinë ndaj videolojërave. Kjo vjen pasi World Health Organization e klasifikoi këtë varësi si një sëmundje.
Si pjesë e National Centre for Behavioural Addictions në Londër, klinika është e para e llojit të saj. Duke filluar që sot njerëzve mund t’ju këshillohet kjo klinikë, ndërkohë që trajtimet do të fillojnë muajin e ardhshëm. Sado që është në Londër, pacientët gjithashtu do të kenë mundësi të kryejnë konsulta online përmes Skype.
“Nevojat shëndetësore janë gjithmonë në ndryshim e sipër, pikërisht kjo arsyeja pse NHS nuk duhet të rrijë kurrë me duar kryq.” U shpreh Simon Stevens, shefi i NHS England. “Ky shërbim i ri është një përgjigjje ndaj një problemi që është në rritje. Fëmijët dhe të rinjtë ekspozohen vazhdimisht ndaj tij këto ditë.”
Sivens shtoi se industria e lojërave gjithashtu ka një përgjegjshmëri ndaj përdoruesve të saj për të parandaluar këtë varësi. Royal College of Nursing e theksoi edhe më shumë këtë pohim përmes një deklarate të sajën:
“Sado që NHS ka përgjegjësi që të adaptohet ndaj këtyre ndryshimeve moderne, taksapaguesit nuk e ngrenë dot faturën vetëm,” u shpreh Fiona Smith, kreu i departamentit Children and Young People në RCN. “Firmat e online gaming dhe mediave sociale bëjnë me miliona paund fitime dhe rrjedhimisht duhet të marrin përgjegjësi për të siguruar platformat e tyre dhe për të prezantuar mënyra për të reduktuar barrën financiare të sigurimit shëndetësor.”
Smith gjithashtu përmendi dhe problemin e mungesës së infiermiereve, gjë që mund të sjellë probleme për këtë shërbim të ri shëndetësor. Klinika do të kërkojë infiermiere të shëndetit mendor, por momentalisht ka 40,000 pozicione të tilla që ende janë bosh në Angli.
Një firmë ligjore kanadeze është momentalisht duke hedhur në gjyq Epic Games për vënien në rrezik të dy të rinjve që kanë krijuar varësi nga Fortnite. Firma beson se Epic duhet ti paralajmërojë lojtarët për rreziqet ndaj shëndetit të tyre mendor.
Këto raste dhe shumë të tjera vërtetojnë se videlojërat realisht kanë impaktin e tyre shëndetësor te të rinjtë dhe është gjë e mirë të shohësh që dalëngadalë janë duke u marrë masa për këtë punë.
