Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Epic Games, zhvilluesit e Fortnite, janë duke u përballur me një padi sepse e kanë bërë lojën të krijojë shumë varësi, mbi të gjitha në njerëzit e rinj ku ajo shënjestrohet.
Padia vjen nga Montreal, Canada dhe brenda saj përfshin dy të mitur, respektivisht 10 dhe 15 vjeç. Raportohet se dokumentet e përfshira në këtë proces ligjor, do të shkojnë drejt krahasimit të varësisë së kësaj loje me kokainën.
Allesandra Esposito Chartrand, një avokate te Calex Légal (një firmë ligjore kanadeze), deklaron se kanë në duart e tyre një çështje shumë të fortë, mbi të gjitha duke konsideruar vendimin më të fundit të World Health Organization, që e cilësoi varësinë ndaj videolojërave si një sëmundje.
Krahasimet me kokainën do të merren me skepticizëm, por argumenti kryesor qëndron te fakti që Fortnite e bën trurin të prodhojë dopaminë, në të njejtën mënyrë siç bën droga. Më tej, audienca drejt të cilës loja është e përqëndruar janë moshat e reja, që janë më të dobëta përpara efekteve të Fortnite.
Firmës që e ka ngritur padinë i janë afruar prindërit e të miturve, që deklarojnë se fëmijët e tyre kanë krijuar varësi ndaj lojës dhe kanë nevojë për ndihmë. Çështja gjyqësore do të argumentojë faktin që Epic Games nuk ka bërë mjaftueshëm për të izoluar pjesën që krijon varësi të Fortnite, duke u fokusuar shumë te pjesa që kjo vjen si përgjegjsi kyçe për ta, prej moshës së vogël të audiencës së tyre.
Ende nuk dihet se sa para përfliten si kompensim, por falë emrit të madh të Fortnite, çështja tashmë është bërë interes i madh edhe i publikut të gjerë. Do ju mbajmë të informuar për vijimin e kësaj historie.
