Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pothuajse dy muaj pas konfirmimit se seriali do të pëfundonte, rifillojnë xhirimet e sezonit të tetë të Brooklyn Nine-Nine.TV Line ka shpërndarë lajmin pasi aktorja Melissa Fumero postoi një foto nga seti së bashku me aktorët e tjerë kryesorë të serialit Terry Crews dhe Andre Braugher.
“Ba ba ba përsëri në Nine-Nine !!Dje, isha aq e ngazëllyer që u ktheva në punë,saqë harrova të bëja një foto për të përkujtuar rastin, kështu që këtu është një foto e Ditës 2!” ka shkruar Fumero në një postim në Instagram. Stephanie Beatriz gjithashtu postoi një foto nga seti,duke na treguar pak nga xhirimet e një skene në Shaw’s Bar.
Sipas një artikulli që zbuloi se sezoni i tetë do të ishte i fundit, vonesa në premierën e Brooklyn Nine-Nine u zgjodh posaçërisht me shpresën për të dhënë një fund të përshtatshëm.
“Jam shumë mirënjohës për NBC dhe Universal Television që na lejuan t’u japim këtyre personazheve dhe ndjekësve tanë përfundimin e merituar”, tha prodhuesi ekzekutiv Dan Goor. “Përfundimi i shfaqjes ishte një vendim i vështirë, por në fund të fundit, ne menduam se ishte mënyra më e mirë për të nderuar personazhet, historinë dhe shikuesit tanë.
Unë e di që disa njerëz do të zhgënjehen se po mbaron kaq shpejt, por sinqerisht,jam mirënjohës që zgjati kaq gjatë”. Ishte bërë e ditur edhe më parë se planet për sezonin e tetë ishin anulluar plotësisht pasi lëvizja Black Lives Matter dhe protestat anti-policore të brutalitetit e morën vendin verën e kaluar.
Këto ngjarje i detyruan krijuesit e shfaqes të rishikonin atë që dëshironin të dukej një komedi për policinë, veçanërisht duke u drejtuar në episodet e saj të fundit.
“Ne kemi pasur shumë biseda të zymta dhe të argumentuara për këtë dhe shpresojmë që përmes kësaj të bëjmë diçka që do të jetë vërtet inovatore këtë vit,”tha Terry Crews në një intervistë me Access Hollywood. “Ne kemi një mundësi dhe po planifikojmë ta përdorim në mënyrën më të mirë të mundshme. Drejtuesi ynë Dan Goor, kishte katër episode të gjitha gati por duhet të anulloheshin. Ne duhet ta fillojmë nga e para. Tani për tani nuk e dimë në cilin drejtim do të shkojë “.
“Shkrimtarët të gjithë po mendojnë sesi të vazhdojnë me historinë,” tha Andy Samberg për revistën People. “Të gjithë po diskutojnë rreth shfaqes komike për policinë, dhe nëse mund të gjejmë një mënyrë për ta bërë atë që të gjithë të ndihemi moralisht në rregull. Unë e di që do ta gjejmë një zgjidhje, por padyshim që është një sfidë ”
Sezoni tetë i Brooklyn Nine-Nine do të transmetohet në fund të këtij viti.
