Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Civilization siç nuk e keni parë kurrë më parë
Loja e parë Sid Meier’s Civilization është plot 28 vjeç, më e vjetër se shumica prej nesh, pasi është lançuar në 1991 në MS-DOS. Loja duket dhe është shumë e vjetër dhe e thjeshtë në krahasim me standartet e sotme dhe madje është aq e pakomplikuar nga ana e kodimit dhe teknologjisë sa mund të rikrijohet nga zhvillues të vetëm në kohën e lirë. Megjithatë, shumë pak prej tyre do të merrnin përsipër detyrën për ta rikrijuar lojën në Microsoft Excel. Po, po flasim për programin që merret me përpunimin e të dhënave.
Kjo çmenduri ,por dhe në të njëjtën kohë dhe mrekulli, është puna e një zhvilluesi të quajtur në rrjetet sociale s0lly. Ai ka zbuluar ditën e djeshme krijimin e tij më të fundit në një postim në Reddit, një rikrijim të Sid Meier’s Civilization nga 1991 në Excel, të quajtur s0lly’s IVIZATION.
s0lly e ka krijuar këtë remake të lojës si pjesë të OLC (One Lone Coder – Një Zhvillues i Vetëm) CODEJAM 2019, e cila përfundon ditën e sotme. Tematika kryesore e këtij gamejam është shkatërrimi, prandaj e vetmja mënyrë për ta fituar këtë version të Civilization është të shkatërrosh plotësisht kundërshtarët. Nuk ka më diplomaci ose kulturë këtu.
Më poshtë mund të shikoni krijimin e s0lly në aksion nëpërmjet një video. Krijuesi i lojës e pranon se loja ende nuk ka shumë veçori brenda saj, por duke patur parasysh se është një rikrijim i një prej lojërave më influencuese ndonjëherë brenda një jave në Excel, padyshim që është mbresëlënëse.
Në këtë moment, e vetmja gjë që mund të bësh në lojë është të ndërtosh njesi dhe të luftosh kundër klaneve të tjera kundërshtare, por s0lly po konsideron mundësitë për të shtuar edhe më shumë veçori në qoftë se njerëzit i kërkojnë ato. Në njesitë e lojës përfshihen një kolonizator, një luftëtar, një harkëtar, një kalorës, një katapultë dhe më shumë. Normalisht që ka vetëm një periudhë kohore, po sa për t’ju kujtuar loja është krijuar në Excel.
Nëse doni ta mbështesni këtë lojë, votimet e OLC Codejam mbyllen në datë 22, prandaj votoni sa jeni në kohë.
