Çmimet e Netflix mund të rriten së shpejti

Sipas analistëve, Netflix mund të rrisë sërish çmimet e tij. Kjo gjë padyshim do i acaronte klientët e tij, por momentalisht asgjë nuk është konfirmuar.

Alex Giamo, zëvendës presidenti i Jefferies (një kompani shërbimesh financiare dhe një bankë investimesh), tha se ka patur një ndryshim të bërë së fundmi në kompaninë e streaming, nëse duhet të rrisin çmimet apo jo. Sipas Giamo, Netflix po konsideron një rritje të çmimeve.

Giamo thotë se me shumë gjasa kjo rritje çmimi do të prekë Europën dhe do të jetë një rritje prej diku tek $1-$2 në muaj.

Situata është pak e paqartë për momentin. A do të vijë si njoftim për pak muaj, për pak javë, apo vitin tjetër? Sigurisht që ne do të donim që mos të rriteshin fare çmimet, por duke marrë parasysh se sa popullor është Netflix tani, shumica e përdoruesve nuk do e kishin fort problem.

Rritja e fundit e çmimit nga kompania erdhi në fillim të 2019s, ndaj nuk është se ka kaluar edhe aq shumë kohë, që të themi se është e justifikueshme.

Gjithsesi, siç e thamë edhe më sipër, mbetet të presim dhe të shohim. Janë të gjitha fjalë deri tani.