CEO i ardhshëm i Amazon thotë se do të vazhdojnë përpjekjet për të bërë një lojë hit

Pavarësisht se kanë resurse të palimituara për të zgjidhur çfarëdo problem që i del para, Amazon akoma nuk ka mundur të godasë me një lojë të hajrit. Free-to-play hero shooter Crucible ishte aq dobët, sa Amazon Game Studios nuk e publikoi fare dhe më pas e anulloi si projekt.

Raportohet të ketë probleme të brendshme te Amazon Game Studios. Mendohet se aty kultivohej kultura maskiliste dhe se kishte një mungesë të menaxhimit në ranket e sipërme, përfshirë këtu kreun e studios Mike Frazzini, që i kishte fillimet e tij të departamentin e librave të Amazon.

Pavarësisht të gjithë kësaj, CEO i ardhshëm i Amazon, Andy Jaddy, që do të zëvendësojë themeluesin e Amazon Jeff Bezos këtë verë, shprehu suport për Frazzini në një email të dërguar stafit të tij. Ai shtoi se Amazon qëndron e dedikuar në biznesin e videolojërave.

“Disa biznese ngjiten lart në vitin e parë dhe disa të tjera duan disa vite,” shkruajti Jassy. “Sado që nuk kemi patur sukses konstant me AGS (Amazon Game Studio), do vazhdojmë të përpiqemi.”