Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nëse do të pyesnit se sa domethënëse është bërë e gjithë kjo situata e lançimit të Cyberpunk 2077, tani edhe New York Times po flet, ku siç e thanë ata, loja e cila duhet të ishte videoloja më e madhe e vitit.
Pas problemeve të shumta si fillim me glitches, rimbursimet e shumta që i janë dhënë fansave dhe më pas gjithë katastrofës së heqjes nga PlayStation Store; tetë vitet e mbushura me hype duke pritur për lojën duken sikur u venitën për vetëm 1 javë.
Në vazhdim të artikullit të New York Times, i cili përmend se, “Avokatët dhe investitorët në Varshavë po rrethojnë situatën, duke menduar për një proçes gjyqësor kundër kompanisë”. Kjo i referohet një postimi nga Mikołaj Orzechowski, një partner në firmën polake Mikołaj Orzechowski i cili me sa duket është gjithashtu një investitor në CDPR, i cili shkruan (sipas Google Translate), “ne jemi duke analizuar, së bashku me ekipin e firmës ligjore, arsyet për ngritjen e një veprimi gjyqësor së bashku me njoftimin e mundësisë së kryerjes së një krimi sipas nenit 286 të Kodit Penal. – keqinterpretimi për të përfituar përfitime financiare”.
Ndërkohë, një njoftim për shtyp nga firma e Nju Jorkut, Wolf Haldenstein Adler Freeman & Herz LLP ka njoftuar se edhe ajo është “duke hetuar një padi të mundshme kundër CD Projekt SA” dhe u bën thirrje investitorëve që kanë pësuar humbje të bëjnë kontakt.
Kjo mesa duket është bëma e fundit e cila mbyll një javë të tmerrshme për Cyberpunk 2077 dhe për CD Projekt.
