Buff i ri i Blitzcrank e ka bërë Rocket Grab të frikshëm

Kujdes nga roboti!

Pas lançimit të Patch 9.19 në League of Legends, shumë njerëz kuptuan çuditërisht se Rocket Grab i Bliztcrank mund të arrinte në vende që nuk mundej më parë. Për këtë arsye, shumë lojtarë kanë filluar të përdorin Blitzcrank për të dominuar jungler-in kundërshtar dhe për t’i surprizuar armiqtë duke i kapur nga vënde që më parë nuk mund t’i arrinin.

“Blitzcrank është The Hook dhe duhet të jetë gjithmonë i tillë, edhe kur ne fusim në lojë personazhe të tjerë që kanë gremça si pjesë të aftësive të tyre midis gjërave të tjera” – thoshte Riot në patch notes, ku njerëzit mësuan se Q e Blitzcrank do t’i shtohej distanca me 100 njesi.

Q-në e Blitz mund ta shikoni më mirë në videon më sipër. Një gjë e re që lojtarët mund të bëjnë tani është të kapin Blue Buff-in e kundërshtarit nga lumi. Kjo është shumë e rëndësishme, pasi tashmë ata mund t’i prishin clear-in jungler-it kundërshtar duke e bërë reset kampin e parë nga një distancë e sigurt ose edhe mund ta marrin atë plotësisht.

Të bësh gank lane të tjera si Blitzcrank gjithashtu është më e lehtë për shkak të distancës më të madhe. Lojtarëve nuk iu duhet të afrohen dhe mund të qëndrojnë të fshehur në shkurre për të kapur kundërshtarët poshtë kullave.

Blitzcrank ka qënë gjithmonë një terror në divizionet e ulëta, por do të duhet pak kohë për t’u mësuar me këtë ndryshim. Ndërkohë që lojtarët përshtaten me distancën e re të Q së Blitzcrank, mund të prisni që të kapni shumë hook gjatë këtyre javëve.

Patch 9.19 ka sjellë ndryshime në lojë, që padyshim do të ndryshojnë strategjitë e ekipeve që po përgatiten për Worlds 2019. Padyshim që ky Worlds do të jetë shumë interesant, me shumë ekipe që pretendojnë titullin e madh.