Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Në 33 vitet e fundit Bohemian Rhapsody njihet si filmi me vlerësimin më të ulet nga kritika që ka fituar një Golden Globe.
Për mendimin tim personal Bohemian Rhapsody ishte një nga filmat më të mirë të vitit 2018. Sigurisht që si një fanse e zhanrës dhe e bandës Queen, opinioni im mund të mos jetë më objektivi i mundshëm. Gjithsesi që përpara ceremonisë së Golden Globes kritika tregoi mendimet e saj për të dhe shumica e publikut nuk ra dakord me to. Tani, pas një fitoreje të dyfishtë në Golden Globes, Bohemian Rhapsody klasifikohet si filmi me vlerësimin më të ulët për 33 vite që ka marrë një titull të tillë. Shumë e padrejtë nëse më pyesni mua.
Filmi biografik në nder të legjendës së rrokut Freddie Mercury mori një vlerësim 62% në Rotten Tomatoes. Për një person të jashtëm vetëm me një shikim të këtij rezultati digjet mundësia e të parit një prodhim shumë të mirë kinematografik. Filmi vjen më i ulëti në renditje që pas Out Of Africa të 1986s me Meryl Streep dhe Robert Redford. Ky i fundit kishte një vlerësim 60%. Edhe në listën e të gjithë fituesve Best Picture që ka patur Golden Globe në këto 75 vitet e fundit. Bohemian Rhapsody pozicionohet në vend të 128 nga 149 në total. Vendin e fundit e mban filmi biblik The Robe i 1953 me vetëm 33 % vlerësim nga kritika.
Pas triumfit të filmit në Golden Globe, ku Bohemian Rhapsody fitoi përkatësisht Best Motion Picture dhe protagonisti i saj Rami Malek rrëmbeu çmimin e aktorit më të mirë, kitaristi i bandës, Bryan May, tha disa fjalë rreth situatës. Ai u shpreh se i gjithë ky negativitet vinte prej trailer-it dhe jo prej filmit të plotë. Tekstualisht May tha: “Gabimi që ka bërë kritika në këtë rast ishte gjykimi i trailerit dhe jo i filmit të plotë. Ata bënë aludime jo të vërteta dhe në momentin që njerëzit fiksojnë diçka në kokën e tyre është vështirë t’jua ndryshosh mendjen.” Edhe kolegia e Malek, Lucy Boynton i ka konsideruar kritikat si “acaruese.”
Është e vërtetë që historia e paraqitur në film devijonte nga historia reale e Queen dhe e vetë Freddie Mercury, por qëllimi i regjizorit ishte të krijonte një film dhe jo një dokumentar. Nëse do të përshtasësh një film biografik me botën e Hollywood-it normalisht që do të duhet të modifikosh aspekte të caktuara të linjave të historisë reale. Mbi të gjitha që gjatë gjithë kohës së xhirimeve të tij filmi ka patur mbështetjen e plotë të të gjithë anëtarëve të grupit Queen.
Kritika gjithashtu ka patur disa gjëra për të thënë për mënyrën se si filmi trajtonte seksualitetin e këngëtarit. Freddie Mercury në jetën reale identifikohej si biseksual, kurse në film, le ta pranojmë u mëshua më shumë drejt anës homoseksuale të tij. Nëse do të mbajmë një qëndrim teknik, po ka disa pakënaqësi që vijnë me të drejtë në lidhje me këtë temë. Por pastaj çështë e vërteta Freddie i kaloi ditët e fundit të jetës së tij me partnerin Jim dhe në fakt në skenat e filmit kur i shprehet personazhit të Mery ai thotë teksualisht se është biseksual.
Në fund të ditës, krahas sulmeve të shumta Bohemian Rhapsody është më i miri i zhanrës së saj, duke ja kaluar në fitime edhe Mamma Mia të Abba. E bukura e filmit është që është ndërtuar në një mënyrë të tillë, që fton edhe shikuesin e jashtëm në botën e saj. Nëse ende nuk e keni parë, mos humbni më kohë. Krahas një filmi të bukur do ju mbeten në mend edhe disa këngë fantastike në fund të tij.
