Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sot do ishte shënuar finalja e BlizzCon 2020 dhe teksa konventa u anullua për arsye të qarta, Blizzard ka konfirmuar se do të marrim një zëvendësim online për të në fillimin e vitit të ardhshëm. Sot, presidenti J Allen Brack organizoi një ‘fireside chat’ teksa fliste për gjendjen e kompanisë, lojërave që do të sillte ajo dhe BlizzCon. Për këtë të fundit konfirmoi se do të ishte falas.
“Duam të jetë një celebrim i madh virtual,” thotë Brack, “ndaj BlizzConline do të jetë falas për t’u parë dhe për të ndërvepruar me të.” Datat e BlizzCon 2021 janë caktuar për 19 dhe 20 shkurt. Nuk mendojmë se do e quajë ndonjëri me vërte BlizzConline, pasi është thjesht shumë qesharake.
Blizzard ende nuk e ka konfirmuar se çfarë do të shohim në eventin online, përtej disa gjërave të fokusuara te komuniteti si shfaqje cosplay. Në video Brack flet përciptazi për lojëra si Overwatch 2 dhe Diablo 4, por nuk konfirmon nëse do i shohim këto në BlizzCon. Brack shton se “është e sigurtë të hamendësojmë që gjërat do të eksplorohen më tej në PC, konsola dhe mobile.”
Videoja trajton kryesisht lançime të mëdha që do të vijnë nga Blizzard. Data e lançimit të Overwatch 2 dhe Diablo 4 janë ende në ajër, por le të shpresojmë që do të zbulojmë më shumë së shpejti.
