Avengers 4: Fundi i filmit nuk është vendosur ende?!

Edhe pse filmimi i Avengers 4 tashmë është kompletuar pothuajse i gjithi, fundi i filmit ende nuk është finalizuar. Të paktën këtë kuptojmë nga deklaratat e fundit të Hulk-ut vetë, Mark Ruffalo. Ai kohët e fundit dha një pamje të shkurtër prapa skenave të filmit të ardhshëm.

Xhirimi për Avengers 4 tashmë është përfunduar. Por edhe gjatë shtatorit ndoshta do të ketë rixhirime, gjë që në të vërtetë nuk përbën një lajm të madh. Megjithatë, sipas aktorit të Hulk Mark Ruffalo, aktorët vetëm atëherë do të përfundojnë fundin e filmit, i cili ndoshta nuk është ende në dispozicion në versionin përfundimtar.

Si pjesë e episodit aktual të ‘podcast’-it Marvelist, Ruffalo kishte zbuluar se aktorët aktualisht nuk e dinë se si do të jetë fundi i Avengers 4. Prodhimi i filmit është jashtëzakonisht dinamik, të cilin personalisht ai e vlerëson shumë. Pra, ndodh disa herë që ata të kthehen në një skenë të caktuar, të takohen përsëri pas disa ditësh dhe t’i rikthehen asaj skene përsëri, por në një formë të modifikuar. Avengers 4 është si një organizëm i gjallë që është vazhdimisht në lëvizje.