Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Apple është ngritur kundër një kompanie ushqimore, pasi pretendon se logoja e aplikacionit Prepear, pra në këtë rast një dardhë, është shumë e ngjashme me logon e vetë Apple, që sigurisht është një mollë. Kompania thotë se logoja e dardhës mund të dobësojë impaktin që lë logoja e Apple dhe ta bërë të vështirë për konsumatorët të dallojnë Prepear nga Apple.
E gjithë kjo filloi kur kompania mëmë Super Healthy Kids regjistroi një trademark për logon e Prepear. Aplikacioni Prepear i lejon përdoruesit që të organizojnë receta dhe të planifikojnë vaktet e tyre ushqimore. Logoja është në formën e dardhës, me një gjethe në të djathtën e saj. Ja si e përshkruan Apple atë:
“Logoja konsiston në një dizajn minimalist të një fruti me një gjethe të pozicionuar në anën e djathtë, që menjëherë të sjell në mendje logon e Apple dhe krijon një përshtypje të ngjashme komerçiale. Apple Marks janë shumë të famshme dhe të dallueshme menjëherë për syrin, duke hedhur hije mbi të gjitha diferencat e logos tjetër dhe duke e bërë konsumatorin të besojë se logoja është e lidhur ose e nën kontrollin e Apple.”
Bashkë-themeluesi i Prepear nisi edhe një peticion të quajtur: “Save the Pear from Apple”, që në shqip përkthehet: “shpëtoni dardhën nga molla”. Mjaft komike duhet ta pranojmë. Ai ka marrë 14,000 firma deri më tani dhe thotë se kompania e tij është një biznes i vogël me pesë punonjës që nuk mund kurrsesi të përballojë të futet në një beteje ligjore me një kompani në përmasat e Apple.
Nuk është hera e parë kjo që Apple ka marrë masa ligjore kundër një kompanie, për ngjashmëri logoje. Prepear planifikon të vazhdojë luftën në mbrojtje të logos së saj, por dyshojmë se do të jetë një luftë që do e fitojë. Kemi të bëjmë me Apple këtu. Gjithsesi, asnjëherë nuk i dihet.
