Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ishte diçka thuajse e sigurt, po ky konfirmim padyshim që ndihmon
Guerrilla Games ende nuk ka zbuluar asgjë, por si ne ashtu edhe ju e dimë se Horizon: Zero Dawn 2 po vjen. Këtë gjithashtu e di dhe aktorja Janina Gavankar, që ndryshe nga ne, mesa duket di vërtet diçka, e mbase foli më shumë seç duhet në një livestream të sajin duke ecur gjatë Star Wars Celebration 2019.
Gavankar ishte zëri i Tatai në DLC-në Frozen Wilds të Horizon: Zero Dawn, një rol jo shumë i madh, por mjaftueshëm i tillë (e gjithashtu i lënë i papërfunduar) sa nuk do t’a bënte surprizues shfaqjen e saj në një lojë pasardhëse. Ndërsa ajo po fliste me një fanse që kishte ardhur për cosplay si personazhi i Gavankar në Star Wars Battlefront 2, diskutimi kaloi tek Horizon Zero Dawn.
“Është e paparë. Vetëm prit sa të shikosh lojën pasardhëse, do të vdesësh. Di disa sekrete, do të vdesësh” ka thënë Gavankar.
Nuk ka shumë për t’u kuptuar. Gavankar po fliste qartë për Horizon: Zero Dawn 2 kur ajo thotë “lojë pasardhëse“, një lojë e cila zyrtarisht nuk ekziston pavarësisht supozimeve se do të jetë projekti i ardhshëm i Guerrilla Games. Diskutimi i saj mbi “sekretet” gjithashtu të shtyn të mendosh se personazhi i saj është tashmë një pjesë më e rëndësishme e historisë ose se të paktën Guerrilla e ka bërë aktoren pjesë më të madhe të historisë kryesore.
Na mbetet vetëm të presim e të ëndërrojmë, derisa të na vijë një përgjigje zyrtare për Horizon: Zero Dawn 2, të cilën vërtet shpresojmë t’a shohim.
