Ky person ka mbi $200 milion në Bitcoin dhe nuk i kujtohet password-i i tij

Ata që patën fatin të përfshihen me Bitcoin disa vjet më parë arritën të krijojnë pasuri pasi sot vlera e kriptomonedhës është ngritur në qiell. Por problemi i zhvilluesit, Stefan Thomas, një gjerman që jeton në San Francisco, është bërë viral kryesisht për shkak të fatkeqësisë së tij. 

Thomas u pagua për shërbimet e tij disa vjet më parë me shumën prej 7,002 Bitcoin. Pastaj për të mbrojtur paratë e tij, ai i vendosi ato në një hard drive IronKey. Vlera e këtyre Bitcoins sot është rritur shumë siç e kuptuat dhe vetë, duke tejkaluar 200 milion dollarë, një shumë që, sigurisht, është e aftë të ndryshojë jetën e tij përgjithmonë.

Sidoqoftë, gjërat nuk janë aq pozitive, pasi fatkeqësisht për të, Thomas nuk mund të kujtojë kodin e serverit ku ai ka Bitcoins. Ai i tha New York Times se fillimisht e shkruajti atë në një copë letër, por nuk e ka idenë se ku është ajo letër. Sikur të mos mjaftonte, disku i IronKey po bën dhjetë përpjekje të dështuara për fjalëkalim dhe Thomas tashmë i ka kaluar tetë!

Sipas New York Times, 20% e 18.5 milion bitcoin që ekzistojnë sot, rreth 140 miliard dollarë, ose kanë humbur ose janë mbyllur në kuleta digjitale. Një kompani e rigjenerimit të çelësave dixhitalë, Wallet Recovery Services, ka zbuluar se merr 70 kërkesa në ditë nga njerëzit që nuk kanë më akses në portofolat e tyre digjitalë.