Zbulohet Agent i ri në Valorant dhe disa nga aftësitë e tij

Para disa ditësh Valorant solli Episode 4 Act 2 dhe bashkë me të edhe një battle pass. Por disa nga items e këtij battle pass duket se kanë zbuluar se cili do të jetë agent i radhës që do të vijë në Valorant.

Battle Pass i Episode 4 Act 2 pati goxha skins, items dhe player cars goxha interesante por një player card specifik ka tërhequr vëmendjen e lojtarëve. Player card në fjalë është një lloj syri pak i frikshëm i quajtur “Silence” dhe të themi të drejtën duket si një zbulim i vogël i agent të ri në lojë.

Por ky nuk ishte i vetmi informacion që lojtarët kanë marrë. Karakteret e lojës shpesh nxjerrin audio notes dhe ato të Viper drejtuar Brimstone mund të na japin më shumë shpjegime. Në këtë audio note ajo shprehet se agent i ri do t’i ndihmojë në mbledhjen e informacioneve pasi atyre iu nevojiten më shumë “sy vëzhgues”.

Nga kjo mund të kuptojmë se agent i ri do të jetë i ngjashëm me Sova dhe Cypher që do të thotë se do të jetë më së shumti i fokusuar në mbledhjen e informacioneve. Por cilat mund të jetë aftësitë që ky agent do të ketë?

Agent i ri pritet të ketë aftësi për të mbledhur informacione dhe për të bërë hack ose çaktivizuar pajisjet/aftësitë e kundërshtarëve. Këtë mund të vëmë re në Home Screen e ri të Valorant ku harta e Brimstone dhe Nano Swarms e Killjoy kishin një logo të ngjashme me syrin e frikshëm të player card.