Single-Player Alpha për Diablo 2: Resurrected nis këtë të premte

Çdokush ka pasur mundësinë për t’u regjistruar për Diablo 2: Resurrected alpha prej disa kohësh, por Blizzard nuk kishte publikuar shumë detaje rreth lojës deri tani. Zhvilluesit e lojës kanë konfirmuar se single-player alpha do të nis këtë të premte.

Single-Player “technical alpha” do të nisë me 9 Prill dhe do të përfundojë me 12 Prill. Një numër i limituar lojtarësh që janë regjistruar në faqen zyrtare do të përzgjidhen në mënyrë të rastësishme për testim dhe do marrin instruksionet e nevojshme me email.

Kjo alpha ju lejon të luani dy aktet e para si një prej tre klasave: “the barbarian”, “the amazon” ose “the sorceress”. Ju do të keni mundësinë të shikoni shumicën e benefiteve të remaster-it të Resurrected, por jo “cinematics” të përmirësuara, pasi nuk kanë përfunduar ende.

Do të ketë të paktën dhe një alpha tjetër pas kësaj.

“Ne do të nisim me një single-player “technical alpha”, dhe më pas do të kemi një tjetër “technical alpha”, që do të jetë si tip multiplayer”, ka deklaruar kreu i ekipit zhvillues të lojës, Chris Lena.

Ne FAQ e faqes është postuar lajmi që sipas zhvilluesve të lojës mund të ketë alpha të tjerë para datës se lançimit. Megjithatë deri tani janë konfirmuar vetëm alpha-t single-player dhe multiplayer.

Këto alpha sigurisht që do t’i japin formë të ardhmes se Resurrected. Lena tregoi se janë të hapur për mendime dhe kritika për të ndihmuar që loja të mbahet sa më tërheqëse për komunitetin.