Seria spin-off e Yakuza, Judgment do të vijë në PC

Gjatë një prezantimi nga RGG Studio, studioja pas serisë Yakuza dhe shumë lojërave të tjera, ka zbuluar sot se dy prej spin-off më të mira të Yakuza do të vijnë më në fund për PC.

Dy spin-off në fjalë janë seria Judgement që përbëhet nga Judgment dhe Lost Judgment të cilat kanë ardhur në PC nëpërmjet Steam. Seria Judgment ndjek historinë e ish-avokatit Takayuki Yagami i cili tashmë vazhdon karrierën e tij si një detektiv privat.

Por gjatë kërkimeve të tij në Judgment ai zbulon një konspiracion të fshehtë që përfshin një vrasës serial dhe policinë e Kamurocho. Kurse në Lost Judgment (review e të cilit mund ta gjeni këtu), Yagami e gjen veten duke hetuar një vdekje në një shkollë që ka lidhje me bullimin dhe që fsheh nga pas shumë sekrete të errëta.

Të dyja lojërat përfshijnë combat fantastik të serisë Yakuza dhe sjellin një histori goxha më serioze kur bëhet fjalë për historinë. Por gjatë hetimeve tuaja ju do të përballeni edhe me cështje dhe personalitete nga më të çuditshmet.

Më poshtë do të gjeni çmimet e serisë Judgment në PC.

Çmimet e serisë Judgment

• Judgement Standard Edition – 39.99 Euro
• Lost Judgement Standard Edition – 59.99 Euro
• Judgement and Lost Judgmenet Digital Deluxe Bundle – 98.87 Euro (përfshin falas gjithashtu Kaito Files DLC dhe shumë expansions)
• The Kaito Files – 29.99 Euro (mund të blihet më vete)