A është e justifikuar hakmarrja ndonjëherë? A mundet një person të marrë drejtësinë në duart e veta dhe të bëj zgjedhjet apo duhet t’i lihet gjithmonë një sistemi gjyqësor i cili ka shumë të meta në të që mund të mos mbrojë njerëzit që është krijuar të mbrojtur?
Këto janë pyetjet thelbësore që do të gjeni në lojën Lost Judgment, loja më e fundit spin-off nga zhvilluesi i Yakuza, Ryu Ga Gotoku dhe njëkohësisht sequel i lojës detektive të mbushur me aksion, Judgment.
Historia e Lost Judgment fokusohet në dy tema kryesore: drejtësia dhe hakmarrja. Aventurat e Yagamit eksplorojnë se si ndërthuren këto dy koncepte. Gjatë historisë, loja shqyrton atë që njerëzit janë të gatshëm të bëjnë në kërkim të drejtësisë, dështimet dhe abuzimet e sistemit të drejtësisë penale dhe se si shoqëria shpesh bie viktimë e dhunës dhe abuzimit.
Lost Judgment trajton tema të vështira si ngacmimi, vrasja dhe vetëvrasja. Teksa tregon realitetet shpesh brutale dhe tragjike në detaje torturuese, ai u afrohet çështjeve të ndjeshme me kujdes dhe ndjeshmëri deri diku. Lost Judgment nxjerr në pah çështjet e botës reale, sesi ato ndikojnë tek njerëzit dhe ofron zgjidhje të mundshme për këto probleme.
Kasti i lojës, i mbushur me personazhe të rinj dhe të vjetër, e sjell historinë në jetë përmes skenave kinematike të aktruara dhe realizuara shumë mirë. Gjithashtu edhe antagonistët ishin krijuar dhe pasqyruar me simpati pavarësisht se bënin gjëra të këqija ose të pahijshme. Shpesh do të gjeni veten duke punuar ose kryer punë me ta edhe pse ndoshta nuk pajtoheni me veprimet e tyre.
Mënyra se si Lost Judgment i trajton këto tema me kujdes është ndryshe dhe na pëlqeu të luanim një histori e cila i trajton ato në mënyrë të pjekur. Por me një përjashtim të madh.
Pavarësisht se Lost Judgment arrin të trajtojë me kujdes shumë tema, ajo anashkalon dhe trajton në mënyrë sipërfaqësore një temë tepër të prekshme për shumë njerëz, atë të abuzimit seksual. Përdorimi i kësaj teme në histori duhet të ishte trajtuar me kujdes por në këtë rast përdoret si një mjet për të mbushur një pjesë të historisë e cila hidhet tutje pasi nuk nevojitet më.
Dhe një problem tjetër që hasëm ishte se historia dhe bisedimet zgjateshin shumë ndonjëherë duke na bërë të humbnim vëmendjen nga loja.
Lost Jugdment sjell një botë të realizuar bukur nga ana grafike me karaktere të krijuar në detaje. Gjithashtu edhe ana vizuale duket e mahnitshme si në skena kinematike, gjithashtu edhe gjatë gameplay.
Pjesa e gameplay, aksionit dhe combat duhet të jetë i njohur për ju nëse keni luajtur lojëra të tjera të RPG, të tilla si seria Yakuza ose Judgment. Ju kaloni shumë kohë duke ecur nëpër dy qytete open-world.
Gjatë eksplorimit në këto qytete do të hasni grupe të vogla kundërshtarësh të cilat kërkojnë përleshje në rrugë dhe pas çdo përballje ju do të merrni items drop dhe SP(Skill Points). Skill Points mund të merren pas çdo dyluftimi, misioni ose gjetjes së collectables dhe mund t’i përdorni për të bërë unlock aftësi ose buffs të ndryshëm të cilat do t’iu ndihmojnë gjatë avancimit në lojë.
Combat është pikat kryesore të lojës së Lost Judgment. Yagami ka tre lloje të ndryshme luftimesh të cilat mësohen që në hapat e para në lojë. Ju mund të ndërroni stilet e luftimit lehtësisht duke e bërë combat të ndihet fantastik dhe dinamik.
Një ndër stilet e preferuara ishte crane duke na lejuar të lëviznim dhe luftonim shpejt kundër kundërshtarëve. Gjithashtu ju do të keni mundësinë t’iu bëni finish kundërshtarëve ose të përdorni EX Gauge që iu lejon të gjuani më fortë dhe më shpejtë pasi e aktivizoni. Combat në të tilla lojëra janë pjesa më argëtuese dhe në Lost Judgment kjo gjë nuk mungon.
Dhe nëse jeni low në health, mos harroni të blini foods të cilat iu japin buffs dhe health ose të krijoni potion të cilat iu japin super buffs gjatë combat.
Përveç combat, në Lost Judgment do të gjeni edhe mekanika të tjera si ajo e hetimit dhe gjykimit ku duhet të kërkoni për të dhëna të ndryshme në vende të ndryshme, stealth dhe parkour dhe më shumë. Por një pjesë e këtyre mekanikave ishin të realizuara jo mire duke na lënë një përshtypje të keqe. Problemet kryesore ishin me dy mekanikat e reja: parkour dhe stealth.
Problemet që hasem ishte se për të bërë parkour duhet të hetonit në fillim zonën rreth e rrotull. Kurse tek stealth thjesht shkonit në një vend për t’u fshehur, hidhni një monedhë për t’i tërhequr vëmendjen e kundërshtarit dhe përsërisni pothuajse të njëjtën gjë. Kjo gjë që e ul goxha dinamikën e lojës.
Dhe të mos harrojmë, gjatë avancimit në histori do të merrni edhe pajisje të reja të cilat keni për t’i mësuar dhe testuar. Fatkeqësisht nuk do të gjeni ndonjë përdorim të madh të tyrin jashtë historisë ose side quests.
Audio ishte fantastike dhe përshtatej fiks me çdo lëvizje tuaj ose të ambientit. Gjithashtu një kolonë zanore do t’iu shoqërojë gjatë çdo përballje ose dyluftimi e cila gjithashtu përshtatej bukur dhe në varësi të stilit të luftimit që përdorni.
Lost Judgment ofron gjithashtu edhe side quest të cilët fatkeqësisht nuk janë shumë interesant por do t’iu ofrojnë shumë Skill Points dhe para. Në lojë do të gjeni edhe minigames ose aktivitete të vogla të cilat janë goxha argëtuese dhe mund të kaloni kohën.
Loja iu ofron afërsisht 25 deri në 35 orë gameplay nëse e luani atë sic duhet dhe nëse i bëni speedrun mund ta mbaroni atë në më pak se 20 orë. Por nëse doni që ta plotësoni plotësisht duke kryer çdo investigim dhe side quest, atëherë do t’iu duhet afërsisht 50 orë.
Për ta përmbledhur, Lost Judgment sjell një histori goxha të maturuar në shumë pika dhe iu tregon emocionet dhe ndjenjat e çdo karakteri me kujdes. Combat është goxha argëtues por mekanikat e reja i ulin goxha pikë. Por nëse jeni një lojtar i cili ka qejf lojërat me detektivë dhe mistere por gjithashtu adhuroni lojërat Yakuza, besojmë se Lost Judgment do t’iu përshtatet shijeve tuaja.