Media Molecule na solli një lojë shumë interesante me mekanika komplekse dhe pamje mahnitëse. Dreams është një lojë në lidhje me mini-lojërat. Është një lojë tip sandbox që ju lejon të bëni dhe luani jo vetëm mini-lojëra, por animacione, filma, fotografi dhe skulptura nga kushdo në komunitetin e Dreams. Të gjitha këto janë referuar si “dreams” në lojë. Ka elementë të disponueshëm në lojë për tu bërë unlock, duke e bërë më të lehtë krijimin e aventurës tuaj në Dreams.
Karakteri juaj, një “Imp”, është aty ku fillojnë gjithçka. Ju mund ta kontrolloni atë me duke lëvizur analogun tuaj, ose nëse doni thjesht lëvizni levën ashtu siç është, të dyja funksionojnë. Imp-i juaj mund ta marrë nën kontroll karaktere të tjera ndërsa i bëni unlock ato përmes arritjeve në lojë. Ky imp kontrollon karaktere të ndryshme në mënyrë që të luani lojëra. Për më tepër se kaq, ju përdorni vetëm imp-in tuaj për të lëvizur lirshëm përmes hapësirës 3D. Në fillim, unë mendova se e lëvizja e controller-it për të naviguar nëpër hapësirë do e përkeqësonte lojën time, por në fakt të jetpe një ndjesi mjaft të natyrshme, dhe aspak të forcuar.
Sa për ata që e kanë luajtur, kjo lojë përngjan shumë me LittleBigPlanet, dhe krahasuar me 3 shtresat nëpër të cilat mund të lëvizni në creative mode, Dreams përdor një aeroplan 3D për përdoruesit për të krijuar gjithçka që dëshirojnë, por nuk i kufizon lojtarët që të bëjnë lojëra 2D. Me shumëllojshmërinë e saj të mjeteve dhe artikujve të creative mode, kjo lojë nuk ka ndonjë kufi të dukshëm në atë që mund të bëni, por nuk besojmë se do të shkoni aq larg sa të bëni një lojë të plotë… apo jo?
Përkundër dyshimit që kishte komuniteti, Media Molecule na dëshmoi gabim me krijimin e tyre të bërë vetë të quajtur “Art’s Dream“.
Art’s Dream është një histori muzikore interaktive, që ju jep një ide mbi atë që është e mundur të bësh në Dreams! Bëhet fjalë për një basist të quajtur Art që lufton makthet e tij për tu ribashkuar me bandën e tij. Gameplay zgjat rreth 2 orë në këtë mini-lojë, dhe mund të themi me plot gojë që ia vlen koha e kaluar. Ky nivel ka një platforming 3D, një sistem luftimi, nivele specifike të karakterit dhe disa roaming third-person rreth një harte të vogël që përmban objektiva dhe dialog midis personazheve. Në këtë dream, “imp”-i juaj në të vërtetë është referuar në lojë, duke përdorur lëvizje për të udhëhequr Artin për ta bërë atë të marrë artikuj dhe të bisedojë me njerëzit. Ju me të vërtetë ndjeheni si një udhëzues për Artin në vend që të luani si ai, ndryshe nga nivelet e tjera në Dreams ku zakonisht luani si personazhi kryesor ose si vetja juaj.
Në këtë pikë, unë nuk mund ta quaj më videolojë, kjo është më shumë një lloj eksperience.
Duke vazhduar më tej, loja duket absolutisht e bukur, dhe kjo vihet re në skena, modele, dhe peisazhe. Engine-i i lojës i bën gjërat të duken vizualisht tërheqëse kudo. Dritat dhe hijet nuk janë vendosur keq në lojë dhe PlayStation 4 trajton mjaft mirë grafikat dhe FPS-në, nëse një nivel është mjaft i optimizuar. Për sa i përket optimizmit, i takon plotësisht krijuesit të niveleve që lojrat e tyre të funksionojnë sa më mirë që të jetë e mundur. Nëse keni ndopak njohuri në zhvillimin e lojërave ose në creative modes të lojërave të ndryshme, nuk do t’ju marrë shumë kohë për të kuptuar se si ta bëni këtë.
Gjithashtu duhet përmendur se, ka një seri nivelesh multiplayer për të luajtur me miqtë, dhe ato janë vërtetë shumë argëtim. Ndihej si LittleBigPlanet për sa i përket “plug and play” dhe loja bën një punë të shkëlqyeshme në integrimin e një imp tjetër në ekran për controller-in e lojtarit tjetër. Kjo lojë është padyshim një lojë që mund ta quani si party game, pasi është mjaft ndryshe nga lojërat e zakonshme të ditëve të sotme, për mirë e them.
Nuk ka shumë më tepër që mund të themi për këtë lojë, përveç “kjo lojë është e bukur” dhe “ka shumë thellësi në të”, sepse kjo lojë mund të shkojë vërtet larg. Engine-i, i përzier me parametrat e gjerë për mekanikën, audio-ja nga ana tjetër që është plotësisht e përshtatshme për sa i përket asaj që ju jeni duke krijuar dhe modeleve që mund të animohen në çdo gjë që ju dëshironi. Kjo lojë nuk është një sandbox i zakonshëm. Çdokush ka përvojën e tij unike me Dreams, pasi në teori është thjesht një platformer i vogël argëtues, por ne praktikë ju vërtetë që mund ta personifikoni eksperiencën tuaj me të duke patur parasysh çdo gjë që ju ofron.
Nëse jeni një animator, mund të bëni filma, normal ose me metrazh të shkurtër. Nëse jeni kompozitor, mund të krijoni një vizual për këngët tuaja. Nëse ju pëlqen të modeloni, mund të krijoni pamje 3D të këndshme që mund të shihen nga të gjitha këndvështrimet. Nëse ju pëlqen të shtyni kufijtë e asaj që është një “lojë”, Dreams ju ofron këtë liri.
Komuniteti është pjesa më e mirë për këtë lojë. Është plot me krijues që bëjnë lojëra me të vërtetë të mira, unike ose të frymëzuara nga lojërat e mëdha, ku Mario gjithashtu ndodhet aty. Nuk po tallem, disa lojtarë bënë një model plotësisht funksional fiks si Super Mario 64. Edhe pse është larg nga të qenit perfekt, funksionon ashtu si mendoni se do ta bënte. Fansat e çdo zhanri të lojërave do të gjejnë zhanrin e tyre të preferuar përmes opsionit “Categories” nëse kërkojnë. Çdo gjë është në dispozicion, dhe nëse nuk është, pse të mos jesh i pari që ta krijosh atë? Jo vetëm për vete, por për komunitetin po ashtu, sepse ku i dihet ndoshta mund të jeni vërtet të talentuar dhe nuk e dinit më parë.
Dreams mund të luhet në PS4 dhe PS4 Pro. Kjo review është mundësuar nga Albagame.
Për ta blerë lojën online vizitoni links më poshtë:
PS4 – http://bit.ly/alba-dreams