Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Taste of Power është një lojë Real-Time Strategy e vendosur në një univers me një histori alternative, e cila në pamje të parë është shumë e ngjashme me Age of Empires. Lojtarët kanë mundësi të zgjedhin një prej tre mbretërive të lojës, Europën, Kinën ose Lindjen e Mesme dhe të përballen me AI ose me lojtarë të tjerë për të fituar pushtet. I gjithë kontinenti është një fushëbetejë e madhe ku këto mbretëri përleshen për të fituar dominancë dhe për të mposhtur mbretëritë e tjera.
Të gjitha veçoritë bazë të zhanrit RTS ndodhen në këtë lojë. Lojtarët ndërtojnë struktura për të rritur prodhimin, për të prodhuar trupa ose për të avancuar në aspektin teknologjik. Njesi të ndryshme ushtarake dhe mbështetëse duhet të lëvizen në hartë për të mbrojtur qytetet e lojtarit ose për të sulmuar qytetet kundërshtare dhe e gjitha kjo bëhet ndërkohë që lojtarët përpiqen të balancojnë fuqinë e tyre prodhuese me shpenzimet e tyre.
Aspekti ku Taste of Power diferencohet nga lojërat e reja është mënyra se si funksionon ekonomia e saj. Lojtarët mund të mbledhin dy resurse të përgjithshme: Materials dhe Commerce. Materials janë në përgjithësi burimet natyrore si druri dhe gurët dhe kryesisht përdoren për të ndërtuar ndërtesa, ndërkohë që Commerce mbulon aspektet financiare si taksat dhe ekonomia dhe mund të përdoret për të trajnuar trupa luftarakë ose për të performuar kërkime shkencore.
Mbledhja e burimeve është e lidhur në mënyrë të drejtpërdrejtë me qytetet e lojtarit. Punëtorët janë të lidhur me qytetin ku lojtari i ka krijuar ata. Më shumë punëtorë mund të vendosen për të punuar, por sa më i madh të jetë një qytet dhe sa më shumë punëtorë të ketë, aq më shumë korrupsion do të ketë, që do të sjellë uljen e burimeve të marra. Korrupsioni paraqitet si një përqindje e humbur e burimeve të mbledhura nga një qytet. Për shëmbull, një qytet i madh me dhjetëra punëtorë mund të jetë duke mbledhur vetëm 20% të të gjithë prodhimit.
Kjo gjë nuk mund të ndalohet, por mund të menaxhohet duke ndërtuar më shumë qytete. Hartat e lojës përmbajnë pika fikse të vendosura në to ku mund të ngrihen qytetet. Lojtari mund të dërgojë kolonizatorë për të krijuar qytete në këto pika fikse, duke i dhënë atyre mundësi të përfitojnë më shumë nga burimet e mbledhura.
Për sa i përket trupave luftarakë, loja ka këmbësori dhe kavaleri, së bashku me një miksim trupash për luftim nga afër, por edhe artileri. Ajo që të dekurajon ty nga mbledhja e të njëjtit lloj trupash dhe krijimi i ushtrive të mëdha është fakti se të gjithë trupat kanë aftësi speciale pasive dhe aktive. Kjo do të thotë se disa trupa janë më të fuqishëm nëse vendosen për të luftuar përballë trupave specifikë, ndërkohë që disa të tjerë mund të shërojnë veten ose aleatët e tyre. Për shkak të mënyrës se si hartat e lojës janë dizenjuar, ju duhet të mendoni mirë për pozicionimin e trupave, pasi në rast të një gabimi këto aftësi mund të sjellin për ju disfatën.
Taste of Power ka dy harta kryesore: Frontier e cila është më e vogël dhe Rise of Sun, një hartë më e madhe. Në menunë e lojës, do të keni mundësi të provoni një tutorial mjaft të detajuar për të mësuar mekanikat bazë të lojës, si dhe të zgjidhni një prej 2 modes të lojës: Survival dhe Skirmish. Në Survival, lojtarët kanë mundësi të qëndrojnë gjallë dhe të luftojnë për sa kohë kanë përforcime, ndrëkohë që Skirmish i përngjan më shumë skenarit tradicional të betejave. Taste of Power gjithashtu suporton edhe multiplayer me lojtarë të tjerë online.
Loja në fakt sjell një koncept mjaft intersant dhe intrigues, i cili revolucionarizon zhanrin RTS, pasi i detyron lojtarët të përdorin hartën e lojës në të gjithë tërësinë e saj, si dhe i bën ata të fokusohen tek ekonomia e tyre po aq sa tek ushtria, duke e bërë zgjerimin e mbretërisë diçka të kuptueshme. Megjithatë, ekzekutimi i këtij koncepti është larg perfeksionit. Mënyra se si mekanika e korrupsionit nuk bën shumë sens nga një aspekt shoqëror, pasi ajo nuk ka thjesht të bëjë me lakminë e punëtorëve. Gjithashtu, AI i trupave luftarakë është një prej aspekteve më të dobëta të lojës. Ushtritë shpesh preferojnë të zgjedhin të kalojnë përreth një lumi në vend që të përdorin urën ndërkohë që në raste të tjera ecin mespërmes kurtheve me qëllimin e vetëm për të luftuar sa më shpejt kundërshtarin. Një tjetër aspekt shqetësues është edhe variateti i ulët, pasi lojtarët kanë mundësi të zgjedhin vetëm tre mbretëri dhe dy harta, duke e bërë lojën të mërzitshme pasi e luan atë pak herë. HUD-i i lojës dhe menutë e saj gjithashtu duken mjaft të vjetra dhe nuk janë shumë funksionale.
Taste of Power është një lojë premtuese dhe me shumë potencial, por ende nuk është aty ku duhet. Konceptet që ajo sjell në zhanrin RTS premtojnë një lojë mjaft interesante, por ajo mbetet e mbushur me bugs dhe probleme të tjera. Nëse jeni fans i këtij zhanri, disa prej mekanikave të lojës janë mjaft tërheqëse, por mos prisni që ajo të jetë perfekte. Megjithatë, nëse zhvilluesit punojnë pak më shumë për të ndrequr problemet e ndryshme dhe për të rritur variatetin në të, ajo mund të bëhet mjaft tërheqëse për lojtarët në të ardhmen.
