Scott Pilgrim vs. The World është një lojë beat’em up e lançuar për herë të parë gjatë vitit 2010 për PS3 dhe Xbox 360. Por disa vite më vonë loja u zhduk nga tregu pa asnjë gjurmë, për t’u rikthyer përsëri këtë vit plot sukses, falë gameplay fantastik që ofron. Për të mësuar rreth kësaj loje beat-em up pixel art sigurohuni që të ndiqni këtë review.
Historia e Scott Pilgrim vs. The World është e bazuar në novelën grafike të Bryan Lee O’Malley. Personazhi kryesor i historisë është Scott i cili gjatë një koncerti takohet me Ramona dhe bie menjëherë në dashuri me të. Por kjo gjë bën që shumë probleme të lindin për Scott pasi për të qenë bashkë me Ramona atij i duhet që të ndeshet me 7 ish-të dashurit e saj, duke sjellë skena dyluftimi nga më të larmishmet dhe sigurisht plot aksion.
Në momentin e parë që do të hyni në lojë, ju do të keni mundësinë të zgjidhni midis karaktereve të ndryshëm që loja ofron si Scott, Ramona, po ashtu miqtë e Scott, Kim, Stephen dhe Wallace ose si ish e dashura e Scott, Knives. Secili prej këtyre personazheve është i ndryshëm duke iu ofruar stile dyluftimi të të veçanta.
Duke përdorur këta karaktere ju mund t’i bëni level up duke i bërë më të fuqishëm teksa luani. Sa herë që bëni level up ju do të hapni një teknikë të re dyluftimi ose combo, e cila do t’iu hyjë në punë në çdo moment gjatë lojës. Scott Pilgrim vs. The World iu ofron gjithashtu mundësinë t’i kombinoni këto teknika të reja me njëra-tjetrën gjatë çdo momenti.
Një mënyrë tjetër për të bërë më të fuqishëm karakterin tuaj është duke mbledhur pikë duke mundur kundërshtarët tuaj. Ju mund t’i shpenzoni këto pikë në mënyra të ndryshme si të blini ushqime të cilat iu shtojnë fuqinë dhe shpejtësinë, snacks të cilat iu shërojnë ose të blini nëpër dyqane sekrete sende të çuditshme, të cilat e bëjnë karakterin tuaj shumë më të fuqishëm në këmbim të një çmimi të kripur.
Larmishmëria e ambienteve është e madhe dhe po ashtu e kundërshtarëve të cilët kombinoheshin bukur me njëri-tjetrin. Ju do të hasni kundërshtarë të ndryshëm të cilat mund t’i mundni nëpërmjet goditjeve tuaja me duar ose duke përdorur sendet e ndryshme që mund të gjeni në ambientin përreth jush si shkop bejsbolli, çadër ose katana. Kombinimi i këtyre sendeve me teknika të ndryshme dyluftimi, do t’iu ndihmojë t’i mundni lehtë kundërshtarët.
Gjatë përballjeve që do të hasni do t’iu shoqërojë edhe muzika e cila na pëlqeu shumë dhe kombinohej në mënyrë perfekte me situatën në të cilën ndodheshin, duke iu falur një emocion ndryshe. Gjithashtu ju nuk do të hasni asnjë bug dhe Scott Pilgrim vs. The World perfomon shumë mirë gjatë kohës kur do të luani.
Aspekti vizual është i mrekullueshëm dhe ka për t’i kthyer nostalgjinë lojtarëve të vjetër. Edhe pse është pixel art, vëmendja që i është kushtuar ndërtimit të karakterit është e madhe. Ju mund të luani pa problem në një rezolucion prej 1080p duke shijuar në maksimum kualitetin e madh të kësaj loje pixel art.
Loja është e vlefshme në PC, Switch, PS4 dhe Xbox One por mund ta luani në Xbox Series X|S dhe PS5 falë backward compatibility që këto dy konsola ofrojnë. Ne lojën e luajtëm në PC dhe mund të themi që ndërveprimi me lojën ishte okay, deri diku pasi e luajtëm në tastierë dhe ndodhte shpesh që të shtypnim butonat e gabuar. Prandaj ne iu këshillojmë që lojën ta luani me një controller ose ta blini atë në console.
Nëse mendoni se ndoshta kjo lojë do t’iu mërzitet pasi të luani orët e para, mund t’iu them që e keni gabim. Për shkak se na ndodhi që të vdisnim gjatë fundit të niveleve të caktuara ose na duhej të mblidhnim më shumë pikë, i përsëritëm disa nivele shumë herë. Në vend të asaj ndjesisë së mërzisë kur përsërit një nivel, ju do të nxeheni me lojën dhe do ta luani më intesivisht atë duke kryer kombinime të ndryshme teknikash për të mundur kundërshtarët tuaj.
Dhe meqë është versioni Complete Edition i lojës, ju do të keni akses në shumë DLC dhe modes të ndryshme. Ky version përfshin Knives Chau dhe Wallace Wells si karaktere të cilët mund të luhen. Gjithashtu keni mundësinë të provoni modes e ndryshëm që loja ofron si Zombie Hordes, Boss Rush, Dodgeball dhe Battle Royale.
Pjesa më e bukur e lojës është aspekti co-op dhe multiplayer i saj. Ju mund të mblidhni miqtë tuaj dhe të përballeni me kundërshtarë të ndryshëm. Loja iu ofron mundësinë të luani me miqtë tuaj local nëpërmjet PC ose konsoles suaj ose të luani online. Ju keni mundësinë vazhdoni historinë ose të luani një nga mode-et që loja iu ofron.
Konkluzioni
Si përfundim, mund të themi që Scott Pilgrim vs. The World është një risjellje e lojës origjinale me disa ndryshime të nevojshme duke iu lejuar ta luani atë tashmë online me miqtë tuaj. Kombinimi i aspektit vizual, muzikës dhe gameplay do t’iu falë një ndjesi plotësisht ndryshe nga lojërat e tjera. Kjo gjë e bën që të jetë loja perfekte për çdo fans të ri ose të vjetër të lojërave beat’em up.