Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Loja mund të jetë një remake i Resident Evil 3
Capcom është duke kërkuar që fansat e Resident Evil të japin mendimin e tyre për një lojë të re e cila është ende në zhvillim, sipas një e-mail-i që iu dërgua një grupi të caktuar brenda komunitetit të Resident Evil. Ky grup specifik i quajtur Resident Evil Ambassadors tha se ka marrë ftesa në e-mail nga Capcom, të cilët kanë kërkuar që ata të jenë testues të një loje ende në zhvillim. E vetmja kleçkë është që ftesat iu janë dërguar vetëm fansave në Japoni dhe ne ende nuk e dimë se çfarë loje do të jetë.
Ky e-mail rekrutimi është shpërndarë në disa faqe online mbi Resident Evil. Përkthimi i e-mailit tregon se Capcom ka falenderuar Resident Evil Ambassadors për mbështetjen e vazhdueshme të serisë dhe iu kërkon atyre të marrin pjesë në testimet e lojës së re.
“Drejtuar të gjithë Resident Evil Ambassadors, faleminderit për përkrahjen tuaj ndaj serisë Resident Evil. Sot, ju bëjmë të ditur se po kërkojmë testues për një lojë në zhvillim! Jemi të interesuar të marrim përshtypjet dhe mendimet e çdo Ambassador gjatë zhvillimit, prandaj lexoni detajet më poshtë dhe, nëse jeni të interesuar të merrni pjesë, shtypni Entry“.
Nuk është suprizues fakti që po punohet për një lojë të re Resident Evil, duke marrë parasysh suksesin e serive në lojërat e fundit, por fakti që loja është në një pikë ku ambasadorët e lojës po thirrën për ta testuar padyshim që do t’i entuziazmojë fansat. Ende ka shumë pikëpyetje se çfarë loje do të jetë dhe mundësitë janë të shumta. Loja mund të jetë një lojë e re e serisë kryesore Resident Evil, e fundit prej të cilave është Resident Evil 7: Biohazard, jetëgjatësia e së cilës u zgjat falë DLC dhe suportit të VR.
Gjithashtu, loja mund të jetë dhe një remake i një loje më të vjetër Resident Evil, gjë e cila nuk do të ishte aspak surprizuese duke parë përshtypjet mjaft të mira mbi Resident Evil 2. Mbase disa lojëra po bëhen port në Nintendo Switch, lajm i cili do të kishte shumë rëndësi për ata që kanë një konsolë Switch.
Duke qënë se emri i lojës misterioze nuk u përmend askund në mesazh, ka shumë mundësi që mos të kemi një konfirmim të saktë në të ardhmen e afërt, edhe pse ekziston mundësia që Capcom ta zbulojë emrin në fund të testimeve.
