Loja Fighting e League of Legends do jetë falas

Para disa kohësh, Riot Games zbuloi se ishte në zhvillim të një loje të zhanrit fighting 2v2 që do të përfshijë karaktere nga universi i League of Legeds dhe që është quajtur Project L. Por kur do të vijë Project L dhe çfarë dimë deri më tani për të?

Ky njoftim erdhi nga një video e shkurtër prej disa minutash nga Tom Cannon, drejtuesi i kësaj loje, në kanalin e Riot Games në YouTube. Në këtë video të shkurtër ai është shprehur se Project L do të jetë falas/free-to-play për këdo duke hequr pengesat dhe duke i dhënë mundësinë çdo kujt që ta luaj, pavarësisht se ku është, nivelit apo sa para duhet të shpenzoj në lojë.

Gjithashtu në këtë video ai ka zbuluar edhe karakterin e radhës që do t’i bashkohet lojës i cili është Illaoi. Bashkë me këtë video ka ardhur edhe një developer blog që shpjegon se si Illaoi do të përshtatet në lojë duke përfshirë këtu mënyrën se si lëviz, gjuan dhe më shumë.

Çfarë dimë deri më tani mbi Project L e League of Legends?

Nga informacionet që kemi, Project L do të jetë një lojë e stilit 2D fighter 2v2 e cila i vendos lojtarët si karaktere nga universi i League of Legends dhe më gjerë. Deri më tani është konfirmuar që loja do të jetë në PC por akoma nuk kemi një informacion zyrtar nëse do të vijë në platforma të tjera si PlayStation, Xbox, Nintendo dhe më shumë.

Pritet që Project L të ketë ndjesinë sikur po luani Street Fighter por me mekanika fleksibël të ngjashme me ato të Dragon Ball FighterZ.

Karakteret që janë shfaqur deri më tani dhe që do të jenë pjesë e lojës janë:

• Katarina
• Darius
• Ahri
• Ekko
• Jinx
• Illaoi

Project L do të jetë plotësisht falas dhe pritet të vijë vitin tjetër po akoma nuk kemi një datë fikse të konfirmuar.