Deathloop është një lojë paradoks, ku koha është një element i rëndësishëm dhe të cilën duhet ta menaxhoni. Protagonisti i Deathloop është Colt Vahn i cili ka ngecur në një timeloop dhe është duke u përpjekur dëshpërimisht që të dalë nga ishulli i pazakontë i Blackreef.
Në fillim, rregullat e prishjes së timeloop duken tepër të thjeshta: vrisni tetë objektiva brenda 24 orëve. Por në të vërtetë kjo gjë është tepër e komplikuar duke e bërë pothuajse të pamundur. E gjithë kjo gjë e bën Deathloop një nga lojërat më të mira të Studios Arkane deri më sot.
Deathloop fillon me Colt i cili vritet nga një grua misterioze e quajtur Julianna Blake. Pasi vdes, ai zgjohet në një plazh të çuditshëm pa e ditur se kush është apo si ka arritur atje. Julianna së shpejti kontakton Colt duke i shpjeguar situatën e tij, bashkë me rregullat e lojës. Colt është në Blackreef, ku koha është e bllokuar përgjithmonë, dhe vrasja është e vetmja rrugëdalje për të.
![deathloop334_14 deathloop,](https://gameon.al/wp-content/uploads/2021/10/deathloop334_14.jpg)
Loja zbulon botën e saj nihiliste ku vdekja nuk ka kuptim në Blackreef. Vdekja, vrasja dhe të gjitha llojet e gjërave të tmerrshme trajtohen normalisht duke i shtuar gjithashtu humor të errët. Në fillim kjo mund të duket e pazakontë por më pas ka për t’iu pëlqyer dhe argëtuar. Gjithashtu edhe dialogët, grindjet ose ndërveprimet gazmorë midis Colt dhe Julianna kanë për t’iu pëlqyer dhe argëtuar pa masë.
Blackreef është ndarë në katër zona të mëdha ku secila ka për t’iu dhënë të dhënat të ndryshme dhe se si të veproni, si të arrini në objektiva dhe skenarët e historisë të cilat shpjegojnë historinë kryesore të lojës.
Çdo zonë unike nga njëra-tjetra – nga një festë masive deri në një stacion të gjerë kërkimor pranë bregdetit. Mbërritja në periudha të ndryshme të ditës ndryshon gjithçka duke filluar nga vendi ku patrullojnë rojet deri tek kush dhe çfarë është në dispozicion. Ju mund të zgjidhni të eksploroni një zonë në katër kohë të ndryshme të ditës: mëngjes, mesditë, pasdite ose mbrëmje. Na pëlqeu mënyra se si kjo ju bën të planifikoni rrugët tuaja në përputhje me rrethanat.
![deathloop334_07 deathloop,](https://gameon.al/wp-content/uploads/2021/10/deathloop334_07.jpg)
Krahasuar me serinë e mëparshme të Arkane, Dishonored – një seri të cilën e kam luajtur shumë, Deathloop inkurajon lojtarët të kryejnë sa më shumë vrasje pa asnjë efekt negativ ndryshe nga Dishonored ku kishit një sistem ndëshkimi dhe moral që ju ndëshkon.
Gjithashtu do të kemi mundësinë të përdorni një arsenal të madh armësh dhe fuqish të cilat janë në dispozicionin tuaj dhe mund t’i merrni ose gjeni gjatë progresit në lojë. Shumë prej atyre fuqive janë shumë të ngjashme me ato në Dishonored, duke përfshirë teleportimin nëpër nivele dhe lidhjen në zinxhir të armiqve të shumtë së bashku, në mënyrë që vrasja e njërit të vrasë të gjithë në zinxhir.
Teksa përsosnim aftësitë tona dhe përpiqeshim të mësonim përmendësh zonat dhe oraret e ndryshme të lojës, na pëlqente të eksploronim mjediset e ndryshme që gjenim dhe të përballeshim me armiq të ndryshëm veçanërisht kur kombinonim arsenalin e madh të lojës. Arsenali i madh i armëve përfshin një armë me gozhda për stealth dhe një SMG që mund të karikohet kur gjuani për një luftë pa pushim. Një currency në lojë lejon që armët, fuqitë dhe upgrades të barten midis loops, diçka që iu lehtëson dënimet midis loops ose vdekjeve.
![deathloop334_16](https://gameon.al/wp-content/uploads/2021/10/deathloop334_16.jpg)
Dhe veçoria e fundit por jo më pak e rëndësishmja në Deathloop është kundërshtari juaj online, i cili i vendos lojtarët kundër njëri -tjetrit. Në Deathloop ju nuk mund të luani vetëm si Colt por gjithashtu edhe si Julianna. I pari përpiqet të arrijë objektivin e tyre kurse ky i fundit hyn në botën e lojtarëve të tjerë dhe përpiqet t’i ndjek dhe t’i vrasë ata. Kjo veçori mund të çaktivizohet, por kjo veçori shton një tension argëtues.
Problemi i vetëm që hasëm ishte fakti që Deathloop kërkonte goxha fuqi procesuese dhe ndonjëherë shkaktonte crash dhe FPS drops. Shpresojmë që kjo gjë të rregullohet në të ardhme.
Sa më shumë avanconim në histori, aq më e kënaqshme u bëhej bashkimi i të gjitha pjesëve të ndryshme të enigmës derisa më në fund, kishim një plan përfundimtar. Ju do të keni mundësinë të ndërtoni dhjetëra rrugë teksa mblidhni një arsenal të madh armësh dhe përzgjidhni fuqitë e duhura për të arritur objektivat tuaj.
Deathloop është një eksperiencë argëtuese në të cilën mësoni pas çdo loop diçka teksa eksploroni mënyra të reja eksplorimi dhe combat duke iu lejuar të eksperimentoni me gjëra të ndryshme. Vdekja në Deathloop është argëtues duke iu bërë që të shikoni çfarë ka organizuar loja për ju në të ardhme.