Ekipi brazilian i CS:GO, BOOM, ka firmosur 13-vjeçarin Snowzin për GC Masters V

Snowzin mund ta fillojë karrierën e tij pro në një nga turnamentet më të rëndësishme të Amerikës së Jugut.

João “Snowzin” Vinicius, një lojtar 13-vjeçar brazilian i CS:GO, ka lidhur kontratë me BOOM si backup për GC Masters V, një nga turnamentet më të rëndësishme Braziliane në 2020n. Kjo u njoftua sot nga organizata.

Turnamenti online do të mbahet gjatë datave 30 korrik – 2 gusht dhe do të sjellë disa nga ekipet më të mira Amerikano Jugore si: Isurus, paiN dhe BOOM. Snowzin doli në pah si një nga talentet më premtuese Braziliane këtë vit, pasi filloi të bënte stream PUG dhe kapi vëmendjen e disa lojtarëve të BOOM, si João “felps” Vasconcellos dhe Ricardo “boltz” Prass, një dyshe me eksperiencë internacionale.

“Ndjehem shumë i lumtur që po i bashkohem BOOM esports, edhe nëse është vetëm për një turnament,” tha Snowzin në një deklaratë. “Është vërtetë një ëndërr e bërë realitet dhe besoj se ky është një rezultat i dedikimit tim. Jam gati të tregoj aftësitë e mia për ekipin.”

Nuk është e qartë nëse Snowzin do luajë në ndonjë nga ndeshjet e GC Masters V. Edhe nëse luan shumë mirë, nuk ka shumë gjasa që të firmosë një kontratë profesionale së shpejti, pasi është akoma nënmoshë.

BOOM drejtojnë Regional Major Ranking (RMR) në Amerikën e Jugut, pasi fituan ESL One: Road to Rio SA në prill. Ato janë një nga ekipet që janë konfirmuar për  ESL Pro League season 12, që do të fillojë në shtator. Skuadra ka qëndruar në Brazil që kur filloi pandemia e Covid-19 në mars.