CSPPA zbulon një sistem të ri për renditjen e ekipeve të CS:GO

CSPPA premton që ky sistem është më transparent dhe përmirëson kushtet e lojtarëve

Counter-Strike Professional Players’ Association (CSPPA) ka zbuluar sistemin e saj të renditjes së ekipeve të CS:GO, i cili ka për qëllim të jetë më transparent dhe gjithashtu të përmirësojë kushtet e lojtarëve. Ky sistem do të rrisë balancën midis punës dhe jetës për lojtarët, me ekipet që do të shpërblehen për performancën e tyre gjatë 36 javëve të kaluara, por do të marrin pikë vetëm në një numër të caktuar tournament-esh dhe nuk do të marrin pikë për tournament-et kur lojtarët janë pushim. Edhe pse pikët i jepen lojtarëve specifikë, ky sistem nuk i penalizon lojtarët nëse humbasin evente për shkak të dëmtimeve, sëmundjeve apo pushimeve për shëndetin mendor.

CSPPA tha se u konsultua me më shumë se 30 lojtarë profesionistë dhe persona të rëndësishëm në botën e CS:GO Esports për të krijuar këtë sistem të ri, i cili do të update-ohet të hënën e parë të çdo muaji në vazhdim.

Edhe pse renditja e CSPPA ka si qëllim të jetë më e thjeshtë dhe transparente, rregullat e gjata në lidhje me renditjen të bëjnë të mendosh të kundërtën.

Renditja e CSPPA duket mjaft ndryshë në krahasim me renditjet e ESL ose HLTV. Evil Geniuses janë në krye si ekipi më i mirë, me Natus Vincere në vend të dytë dhe FURIA në vend të tretë. Ndërkohë, ekipi i parë në renditjet e ESL dhe HLTV, BIG Clan, ndodhet në vendin e pestë.

Edhe pse qëllimi i renditjes së CSPPA është përmirësimi i kushteve të lojtarëve, shumë lojtarë janë konfuzuar dhe nuk kanë rënë dakord me rendin e ekipeve.