Statistikat e Twitch gjatë vitit 2020 janë të çmendura

Afërsisht një trilion minuta janë shikuar në Twitch

Viti 2020 bëri që shumicën e kohës ta kalonim në shtëpi. Kjo gjë ka bërë një pjesë e madhe e njerëzve të shpenzojnë një kohë të madhe në platforma streaming dhe një ndër to është Twitch e cila së fundmi zbuloi statistikat e vitit 2020 të cilat ishin vërtet të çmendura.

Nëpërmjet një postimi në Twitter zëvendës presidenti i Twitch, Damian Burns, ka bërë publike disa statistika të Twitch për vitin 2020 të cilat na befasuan. Këto statistika gjithashtu tregojnë rritjen e madhe që Twitch ka bërë gjatë kohëve të fundit.

Në ketë postim ai tregon se Twitch kishte mesatarisht 26.5 milion vizitor çdo ditë dhe se shikueshmëria mesatare në çdo moment gjatë vitit 2020 ishte më shumë se dy milion. Gjithashtu ai shton se më shumë se 6 milion streamers/creators kanë bërë stream çdo muaj dhe se gjatë vitit 2020 janë shikuar në Twitch afërsisht 1 trilion minuta.

Gjithashtu gjatë këtij viti janë grumbulluar për bamirësi më shumë se 83 milion dollarë amerikanë. Kjo shumë kalon atë të vitit 2019 e cila ishte 56 milion dollarë amerikanë. Të gjitha këto statistika tregojnë rritjen e madhe që Twitch ka patur gjatë vitit 2020 duke thyer shumë rekorde të saj.