Protestat në US Capitol ishin më të ndjekurat në Twitch

Teksa mbështetësit e Trump u futën brenda US Capitol dje, me miliona njerëz ishin duke e parë ngjarjen përmes televizorit ose networkeve të caktuara. Gjithsesi, mbi 200,000 prej tyre e panë atë njëheresh me streamerin e politikës HasanAbi, teka ai komentonte në Twitch. Me mijëra të tjerë e panë ngjarjen përmes livestream-eve zyrtare dhe jo zyrtare në Twitch dhe YouTube.

Sado që Twitch zakonisht përdoret për të bërë livestream lojëra, tashmë është bërë edhe një vatër për mbulimin e ngjarjeve në botën reale. Gjatë protestave të mëparëshme të vitit të shkuar, Twitch u bë një platformë popullore ku aktivistët transmetonin protestat e Black Lives Matter.

Hasan Piker ose Hasan Abi është një streamer i famshëm dhe komentator i ngjarjeve politike amerikane në Twitch. Gjatë transmetimit të tij të debateve presidenciale përshembull, Piker tërhoqi mbi 125,000 shikues dhe së fundmi ai luajti edhe Among Us me Alexandira Ocasio-Cortez, një përfaqësuese të demokratëve.

Dhuna e vazhdueshme në DC dhe përgjatë SHBA vjen pas deklaratave të Donald Trump se zgjedhjet ishin të “vjedhura”. Në ngjarjet e fundit një grua në Capitol u qëllua dhe ka ndërruar jetë, ndërkohë që pesë të tjerë janë dërguar në spital. Washington DC është me orar mbylljeje në 6pm. Historia mbetet ende në zhvillim e sipër.