Një lojtar CS:GO u vesh si një femër për të luajtur në një turnament vajzash

Një lojtar mashkull i CS:GO u gjet i veshur si një femër, në tentativë për të konkuruar në Lenovo’s Legion of Valkyrie, një event vetëm për femra, ku 32 skuadra konkurojnë për një prize pool prej $1,000. Turnamenti kishte marrë masa paraprake që të mos lejonte mashtrimin e identitetit, duke i kërkuar lojtarëve që të luanin me kamerën hapur.

Pavarësisht këtyre masave, një lojtar mashkull sërish mendoi ta provonte fatin, duke u veshur me një paruke në tentative që të dukej si një femër. Ai kishte veshur një paruke të zezë, mjaft bindëse do të thonim, syze dhe një maskë fytyre teksa po luante. Gjithsesi, sado që ai e provoi, i doli bllofi kur uli maskën para se të fillonte loja. Foto të incidentit më pas u postuan në internet.

Teksa maskat kanë qenë gjithmonë e më prezente së fundmi për shkak të krizës shëndetësore, mbikëqyrësit e turnamentit kishin dyshuar diçka dhe e kishin këshilluar që të ulte maskën në mesazhet e Discord.

Ai dhe ekipi i tij nuk ja dolën të përfundonit round-in e parë, me shumë gjasa sepse u skualifikuan.