Mr Beast i jep $10,000 komentit me më shumë likes në postimin e tij

Në një tjetër sfidë javore, YouTuber-i Mr Beast ka njoftuar se do shpërblejë me $10,000 këdo që mund të bëjë ratio ose të marrë më shumë likes në krahasim me tweet-in e tij. Fansat tashmë janë në betejë për të kurorëzuar komentin e tyre si fitues.

Jimmy Donaldson, i njohur ndryshe si Mr Beast është mëse i njohur për sfidat e tij të përmasave të mëdha. Së fundmi ai i kërkoi ndjekësve të tij në Twitter ti bëjnë ‘ratio’ postimit të tij origjinal. Të bësh ratio dikë do të thotë që numri i komenteve të tejkalojë atë të likes (zakonisht kur diçka është shumë kontradiktore). Praktikisht duhet të merrni më shumë likes se vetë Mr Beast.

Fillimisht u duk se YouTuber-i i njohur Corpse Husband do i fitonte paratë, falë reply-it të tij vetëm me një fytyrë që qesh. Me rritjen e Among Us edhe Corpse është bërë më popullor. Plus ai sqaroi se nëse do të fitonte do i jepte paratë për bamirësi.

Gjithsesi, në momentin që dukej se Corpse e kishte fitoren në xhep, një postim nga një fans i BTS, që thoshte se do i dhuronte fondet në Funds for Bangtan dhe BorahaeFunds, filloi të merrte tërheqje. Fansat e dedikuar anë e mbanë globit filluan ta bënin like tweet-in.

Konkursi tashmë ka përfunduar me Corpse Husband që rimori avantazhin në orët e fundit, duke marrë kështu edhe fitoren.

Por për shkak të përpjekieve të mëdha të bëra, Mr Beast gjithashtu konfirmoi se do i jepte $10,000 edhe faqes së fansave të BTS. Në fund mund të themi se fituan të gjithë.