Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Trailer-i i ri i serisë Evangelion zbulon datën e lançimit
Neon Genesis Evangelion ka vazhduar të tregojë një histori të re nëpërmjet serisë së filmave anime të njohura si “Rebuild of Evangelion”. Dhe teksa filmi i katërt i serisë është shtyrë për shkak të pandemisë, një trailer i ri është publikuar nga studio Khara bashkë me një datë lançimi për këtë film. Filmi ishte planifikuar në fillim të transmetohej gjatë verës së këtij viti nëpër kinema por sipas njoftimit fansat duhet të presin për vitin tjetër për ta parë ketë film.
Rebuild of Evangelion tregon historinë e serisë anime të transmetuar gjatë viteve 1990 në një mënyrë tjetër. Në serinë e filmave anime tregohet historia e Shinji Ikari ndryshe nga seria origjinale, me ndryshime të mëdha në ngjarje dhe karaktere të ndryshme. Mesa duket fansat mezi po e presin ketë film anime dhe shumë prej tyre mendojnë se do të jetë ndryshe nga çdo anime tjetër që mund të keni parë deri më tani.
Me popullaritetin e madh të anime, historia e Shinji Ikari dhe Nerv ka akoma interpretime nga fansat se si ngjarjet do të vazhdojnë pas Evangelion 3.0. Akoma nuk duhet se çfarë do të ndodh dhe na ngelet të presim filmin anime i cili është planifikuar të transmetohet në Japoni më 23 janar të vitit që vjen. Një datë lançimi për vendet e tjera akoma nuk është bërë publike për fansat e serisë të cilët ndodhen jashtë Japonisë.
