Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sado që sezoni i 6 i Vikings do të shënojë fundin e tij, spekulimet për një spinoff kanë filluar.
Historia e serive televizive do të pësojë një tranzicion të madh vitin e ardhshëm me mbylljen e sezonit të gjashtë të Vikings. Teksa ky serial për momentin është ende në transmetimin e sezonit të tij të pestë, sezoni i gjashtë është vendosur të ketë 20 episode. Seritë e fundit të Vikings do të transmetohen nga fundi i 2019s ose fillimi i 2020ës.
Gjithsesi mos prisni që e gjithë historia e Vikings të zhduket, pasi kanë nisur punimet për një spinoff të kësaj shfaqjeje. Ky i fundit pritet të zhvillojë vazhdimin e një prej linjave të Vikings. Sado që këto plane janë ende në fazat e hershme, krijuesi Michael Hirst ka si synim të bashkëpunojë me Jeb Stuart, një shkrimtar që ka punuar në filma si Die Hard, Leviathan dhe The Fugitive.
Vikings e pati premierën në 3 mars të 2013s. Shkrimtari Michael Hirst, i njohur për prodhime si Camelot dhe The Tudors i solli serive një nga historitë më të mirëshkruara të kohës. Seritë e vërtetuan më së miri veten në pikën kur protagonisti kryesor u largua në sezonin e 4 dhe ato vazhduan më tej me po të njejtën kërkesë nga publiku.
Vikings do të vazhdojë transmetimin në kanalin History të mërkurave dhe do të drejtohet drejt finales së sezonit të pestë në 30 janar.
