Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kanë kaluar 20 vite që nga lançimi i filmit të parë të Matrix me Keanu Reeves dhe tani duket se një vazhdim i trilogjisë do të bekojë ekranet tona. Lajmi erdhi nga regjizori i John Wick 3, Chad Stahelski.
“Jam shumë i lumtur që Wachowskis jo vetëm që po bëjnë një Matrix tjetër, por po zgjerojnë diçka që ne të gjithë e donim. Nëse ky film i rradhës është sado afër filmave të tjerë, do të nisesha direkt për të qenë dublanti i tij.” Është shprehur Stahelski.
Përpara se të bëhej regjizor, Stahelski ka pas punuar si një dublant në Hollywood dhe një nga punët e tij ka qenë pikërisht të ishte dublanti i Keanu Reeves në trilogjinë origjinale të Matrix.
Kur u pyet nëse regjizoret e para të filmit, Lana dhe Lily Wachowski do të merreshin edhe me filmit e katërt ai dha shenja konfirmimi. Madje tha se nëse do iu duhej ndihmë do linte çdo gjë përgjysmë për ti ndihmuar.
Ky është lajm fantastik për të gjithë fansat e filmit. Normalisht në këtë pikë nuk kemi asgjë konkrete mbi kastin, historinë ose datën e publikimit, por konfirmimi i filmit të katërt mjafton për të na lënë të kënaqur.
