Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Duke prezantuar planet për vitin 2021 Intel zbulon gjithashtu edhe CPU e re, i9 11900K
CES (Consumer Electronics Show) është një prej eventeve më të mëdha të teknologjisë e cila ketë vit për shkak të COVID-19 u zhvillua online. Ky event është një mundësi e mirë për të reklamuar produktet e kompanive të ndryshme dhe Intel ka arritur të shfrytëzojë ketë mundësi me sukses.
Teksa po zbulonte planet që kompania kishte për vitin 2021, Intel arriti të zbulonte edhe CPU e tyre më të ri, i9 11900K, bashkë me shumë veçori të reja që ky model i i9 11th Gen do të sjellë. i9 11900k do të ketë 8 cores, 16 threads dhe një shpejtësi që mund të arrijnë deri në 5.3GHz.
CPU e re do të suportojë RAM DDR4-3200 dhe do të ketë gjithashtu 20 CPU PCIe slots të cilat do t’iu lejojnë përdoruesve të shtojnë karta grafike më të fundit si ajo më e fundit nga Nvidia, RTX 3060, ose shumë pajisje të tjera.
Akoma nuk ka një datë të saktë lançimi por një ndër detajet e tjera që u zbuluan ishte se i9 11900K do të lançohet gjatë tremujorit të parë të 2021. Për sa i përket çmimit, sipas disa leaks thuhet se çmimi do të jetë afërsisht 450 dollarë amerikanë i cili është një çmim goxha më i lirë në krahasim me modelet e viteve të kaluar i9 gjatë lançimit të tyre.
Mesa duket Intel po përpiqet që të arrijë të dominojë përsëri në treg gjatë vitit 2021 pas vendimit të Apple për prodhimin e procesorëve të saj dhe dominimit që AMD pati gjatë 2020. Intel po përpiqet që ta nisë ketë vit mbarë me serinë e re të procesorëve të quajtur Rocket Lake të cilët do të mund të përballojnë pothuajse çdo detyrë që ju do të kryeni në PC tuaj.
